PROVERBIOS 6:6 - Dios Rimashcata Quillcashcami

⁶ Quilla runacunalla, hormigata ricui. Hormiga imata ruhuacta ricushpa, yachaisapa caiyari.

PROVERBIOS 6:6 Referans Kwoze

PROVERBIOS 20:4

Quilla runaca yapuna punzhapica mana yapunchu. Cosechana punzhapi llucshishpaca imata mana taringachu.

PROVERBIOS 18:9

Quilla runaca imatapish tucuchic runahuanca quiquin huauquindi shinami.

PROVERBIOS 6:9

Quilla runalla, ¿ima horascamantac siricugringui? ¿Ima horastac riccharigringui?

HEBREOS 6:12

Quillacuna cachun mana munanchicchu, ashtahuanpish alli crishpa, mana piñarishpa, Dios cusha nishcata japiccuna cachunmi munanchic.

PROVERBIOS 13:4

Quilla runaca imata munacushpapish mana japingachu. Ashtahuanpish cusi runaca paipac munashcatami japinga.

SAN MATEO 25:26

Shina nicpimi amoca: “¡Canca, mana valic, quilla servicmi cangui! Ñuca manapish tarpushpa cosechac, manapish cushpa chasquic cashcataca yacharcanguimi.

PROVERBIOS 30:25

Hormigacunaca mana sinchicuna cashpapish, usyai punzhacunapimi micunata tandancuna.

ROMANOS 12:11

Tucui shunguhuan Apunchic Jesusta servichic, ama quilla caichicchu. Ashtahuanpish cusi caichic.

PROVERBIOS 21:25

Quilla runaca paipac maqui imata mana ruhuasha nicpimi, imata charinata munashpa huañucun.

PROVERBIOS 19:15

Quillanayaimi runataca yallita sueñuchin. Quilla runaca yarcaihuanmi causanga.

PROVERBIOS 22:13

Quilla runaca: «¡Leonmi canzhapi chapacun, ñanpi japishpa huañuchingami!» ninmi.

PROVERBIOS 10:26

Quilla runata mandanaca vinagreta amullishca shina, ñahuipi cushni yaicuc shinami.

PROVERBIOS 19:24

Quilla runaca micunata maquipi charicushpapish paipac shimipica mana churangachu.

SAN MATEO 6:26

Volac animalcunata ricushpa yuyarichic. Chaicunaca mana tarpunchu, mana cosechanchu, grano huacaichinatapish mana huacaichinchu. Chashna cacpipish jahua pachapi tiyac cancunapac Diosca caranllami. Cancunacarin, ¡zhutacunatapish yallimari valinguichic!

PROVERBIOS 15:19

Quilla runapac ñanca cashahuan jarcashca shinami. Ashtahuanpish allita ruhuaccunapac ñanca rumihuan sumacta ruhuashca ñanmi.

PROVERBIOS 1:17

Zhutacuna ricucucpi, linchita churacpica mana yaicuncunachu.

ISAÍAS 1:3

Huagrapish paipac dueñota ricsinmi. Burropish dueñopac corralta ricsinmi. Ashtahuanpish israelcunaca mana ricsincunachu. Ñuca acllashcacunaca mana yuyaita japincunachu.

PROVERBIOS 23:19

Ñuca huahualla, ñucata uyashpa alli yachaisapa cangui. Cambac shunguta allichishpa, alli ñanta catingui.

PROVERBIOS 30:24

Cai pachapica chuscu uchilla animalcunami tiyan. Chaicunaca yachaisapa runacunatapish, yalli yachaisapacunami.

JEREMÍAS 8:7

Jahuata volac cigüeñapish ima quillapi shuctac ladoman rinata yachanmi. Urpipish, grulla animalpish, golondrinapish ima quilla shuctac llactaman rinata yachanmi. Ashtahuanpish ñuca acllashca cancunaca ñuca mandashcataca mana yachashpami causanguichic.

PROVERBIOS 10:4

Quilla runapac maquica huacchayachinmi. Ashtahuanpish runapac maquica chayucyachinmi.