PROVERBIOS 6:15 - Dios Rimashcata Quillcashcami

¹⁵ Chaimantami cungailla jatun llaquica japinga. Shuc ñahui quimllaillapimi chingaringa. Paica imata mana ruhuai pudingachu.

PROVERBIOS 6:15 Referans Kwoze

JEREMÍAS 19:11

Shinallatac paicunataca: “Tucuita Mandac Diosca: Caipi causaccunatapish, cai llactatapish ñutuchigrinimi. Puñuta maijan paquicpi, cutin mana allichipactami saquigrini. Huañushcacunatapish maipi enterrana mana tiyacpimi, chai Tofet pamballapitac enterranga.

2 CRÓNICAS 36:16

Ashtahuanpish paicunaca Mandac Dios cachashca huillaccuna huillashcata mana cazushpami asircacuna. Dios huillachishca shimita yangapi churashpami, Dios ima nishcata huillaccunata burlarcacuna. Pai acllashcacuna chashna yallita llaquichicpimi, Mandac Diosca yallita piñarishpa, ima shina mana jarcari pudishpa llaquichirca.

1 TESALONICENSES 5:3

Gentecunaca: «Cushillami sumacta causacunchic» nicucpica, jatun llaquica shuc huarmita sajuarina nanai japic shinami cungailla japinga. Chai llaquimantaca pipish mana quishpiringachu.

PROVERBIOS 1:27

Cancuna manchana jatun llaquicunaca tucuchic shinami shamunga. Jatun acapana huaira shina shamushpami, cancunataca yallita llaquichinga.

PROVERBIOS 29:1

Cunashpa rimacpi, piñarishpa sinchi tucuc runataca cungailla llaqui japingami. Paitaca pi mana allichi pudingachu.

SALMOS 50:22

Ñucata cungarishpa causaccuna caita alli yuyarichic. Pacta cancunata tucui tucuchiman. Chashna tucuchicucpica pi mana quishpichingachu.

SALMOS 55:15

Cungailla huañui japichun, Seolman causac chayagrishca cachun. Paicunapac huasipipish, paicunapac chaupipish millaillatami ruhuancuna.

PROVERBIOS 1:26

Cancunata jatun llaqui japicpica, ñucaca asishami. Cancuna jatun llaquicunahuan cacpica burlarishami.

PROVERBIOS 6:16

Mandac Diosca cai sucta juchatami piñan. Canchisniqui juchatacarin yallitami millanayachin:

PROVERBIOS 14:32

Diosta mana manchacca pai millaita ruhuashcamantami chingaringa. Ashtahuanpish cashcata ruhuacca huañugricushpapish cuidashcami canga.

PROVERBIOS 24:16

Chaica, cashcata ruhuac runaca canchis cutin urmashpapish jataringallami. Ashtahuanpish Diosta mana manchaccunaca jatun llaquipimi urmanga.

PROVERBIOS 24:22

Paicunataca cungaillami llaqui japinga. Paicunata ishcaita llaquichigricushcataca ¿pitac yachangayari?

EZEQUIEL 11:13

Chashna tucunata ñuca huillacucpimi, Benaiaspac churi Pelatiasca huañurca. Chaimantami ñucaca pambacaman cumurishpa: «¡Mandac Dioslla! ¿maijan saquirishca israelcunatapish tucuchigringuichu?» nishpa mañarcani.