PROVERBIOS 6:12 - Dios Rimashcata Quillcashcami

¹² Millaita ruhuac mana pingac runaca mana allillata rimashpami purin.

PROVERBIOS 6:12 Referans Kwoze

SAN MATEO 12:34

Culebrapac huahuacuna, cancunallatac millai cashpaca, ¿ima shinatac allita rimaringuichic? Shungupi ima yuyaicuna tiyashcatami, shimica riman.

PROVERBIOS 16:27

Mana allita ruhuac runaca mana allita ruhuanallatami yuyan. Paipac shimimantaca rupacuc nina shinami llucshicun.

PROVERBIOS 4:24

Cambac shimihuan mana allita rimanata jarcaringui. Cambac shimihuan llullanata cuidaringui.

1 TIMOTEO 5:13

Shinallatac huasi huasi purishpami, yanga siriccuna tucun. Chashnallapish mana canchu, ashtahuanpish huashalla parlaccuna, tucuipi satirishpa manapish cashcata parlaccunami tucuncuna.

HECHOS 20:30

Cancunapuramantapish maijanca: “Ñucata catichic” nishpami, llullashpa huillanga.

PROVERBIOS 17:4

Millaita ruhuac runaca mana allita rimashcatami chasquin. Llullac runapish llaquichic runa rimashcatami uyan.

PROVERBIOS 8:13

Mandac Diosta manchaccunaca mana allita ruhuaccunata piñanmi. Jatun tucunatapish, yallita jatun tucunatapish mana alliman apac ñantapish mana munanichu.

SALMOS 59:7

Paicunaca: «Ñucanchictaca pi mana uyangachu» nincunami. Chai shimicunaca espada shinami.

SANTIAGO 3:6

Calluca shuc nina shinami millaita callarichichishpa runata mapayachin. Calluca ucu pacha nina rupacuc shinami, tucui causaipi mana allita ruhuachishpa rupachic shina llaquichicun.

PROVERBIOS 11:6

Allita ruhuaccunataca cashcata ruhuashcallatacmi quishpichinga. Ashtahuanpish juchata ruhuaccunaca chai juchallapitacmi japi tucushpa chingaringa.

PROVERBIOS 6:14

Paipac shungupica mana allita ruhuana yuyaimi tiyan. Tucui causaipimi ima llaquita ruhuanallata, piñanacuipi churanallata yuyarishpa purin.

PROVERBIOS 2:12

Mana alli ñanmantapish, millaita rimac runamantapish cuidangami.

SALMOS 36:3

Paipac shimihuanca llullallata, millaillatami riman. Alli yuyarinatapish, alli ruhuanatapish saquishcami.

SALMOS 10:7

Paipac shimica mana alli ninallata, llullanata, llaquichinallatacmi riman. Paipac shimipica millaillata rimashpa llaquichic shimicunami pacashca shina tiyacun.

SALMOS 10:3

Millaita ruhuacca paipac shungu munashcata ruhuashpami cushicun. Charinallata munactaca alli ninmi, Mandac Diostaca mana ricunayachinchu.

SANTIAGO 1:21

Chashna cashcamanta tucui mapamanta, shinallatac tucui mana allicunamanta anchurishpa, cancunapac shungupi tarpushca alli huillaitaca cuyac shunguhuan chasquichic. Chai alli huillaimi cancunataca quishpichinata pudin.

JEREMÍAS 24:2

Shuc canashtapica punta pucushca sumac higocunami tiyacurca. Chaishuc canashtapica maita mana micuipac mana alli higocunami tiyacurca.

1 SAMUEL 17:28

Chashna parlanacucta uyashpami paipac punta huauqui Eliabca Davidhuan yallita piñarishpaca: —¿Imapactac caiman shamurcangui? ¿Shitashca pambapica, ashalla ovejacunataca pimantac saquimurcangui? Can cari tucushca cashcata, millai shungu cashcatapish yachanimi. Canca cai macanacuita ricungapacllami shamushcangui— nirca.

PROVERBIOS 10:32

Cashcata ruhuacca cushicuna rimaicunatami riman. Ashtahuanpish Diosta mana manchaccunaca millaillatami riman.

SALMOS 101:3

Mana alli ruhuanataca ricunallatapish mana ricushachu. Diosmanta anchurishpa millaita ruhuanataca manatac ricunayachishachu. Paicunapuramantaca pipish ñucapacmanca mana cuchuyangachu.

PROVERBIOS 3:32

Mandac Diosca millaita ruhuac runataca millanayachinmi. Ashtahuanpish cashcata ruhuac runahuanca tandarishpami causan.

PROVERBIOS 16:30

Maijanpish ñahuita quimllashpaca mana allita ruhuanatami yuyaricun. Maijanpish shimita huichcashpaca mana allitami ruhuashca.