PROVERBIOS 4:13 - Dios Rimashcata Quillcashcami

¹³ Alli yachaitaca chasquingui ama saquinguichu, chai yachaitaca alli huacaichingui. Chaimi cambac causaica.

PROVERBIOS 4:13 Referans Kwoze

HEBREOS 2:1

Chaimantami alli ñanta mana chingachingapac ñucanchic uyashcataca yuyarashpa cana canchic.

PROVERBIOS 3:18

Paita ucllarishpa causaccunamanca causaita cuc yura shinami can. Cai alli yachaita chariccunaca yallitami cushicun.

PROVERBIOS 23:23

Cashcata nishpa causanatapish, alli yachaitapish, alli yuyaita cushcatapish randic shina chasquishpaca, ama catunguichu.

DEUTERONOMIO 32:47

Cai nishcacunaca mana yangachu, ashtahuanpish causaita cuc rimashcami. Cai rimashcacunamantami Jordán yacuta pasashpa, chai llactata japishpa, unaita causanguichic» nirca.

1 TESALONICENSES 5:21

Tucuita allita ricushpa, allitaca huacaichishpa causaichic.

HECHOS 11:23

Bernabé chaiman chayashpaca, Diosca yallita cuyashpa, quishpichishcata ricushpami cushicurca. Tucui criccunatami Apunchic Jesusllata tucui shunguhuan cazuchun rimarca.

HECHOS 2:42

Paicunaca apostolcuna yachachishcata allimi cazuccuna carca. Caishuc chaishuc-huan allimi apanacuc carca. Shinallatac Jesús huañushcata yuyarishpa tandata micungapacpish, Diosta mañangapacpish tandanacucmi carca.

SAN JUAN 6:68

Shina nicpimi, Simón Pedroca: —Apunchic Jesús, ¿pipacmantac rishunyari? Cambac rimashca shimicunaca, huiñai causaita cucmi.

APOCALIPSIS 12:11

Paicunaca Pactalla Oveja huañushpa yahuarta jichashcamanta, alli huillaita huillashcamantami chai llaquichictaca mishashca. Huañuna cacpipish, mana mancharcacunachu.

APOCALIPSIS 2:13

Satanás maipi mandacucpi can causacushcata, shinallatac can imata ruhuashcatapish yachanimi. Satanás maipi mandacucpi ñucamanta allita huillac Antipasta huañuchicpipish, ñucata crinataca mana saquishcanguichu.

CANTARES 3:4

Paicunamanta ashata caruyashpaca, ñuca shungu cuyashcahuan tuparcanimi. Paihuan tupashpaca japishpa mana cacharishpami, ñucata sajuaric mamapac huasiman pusharishpami yaicuchircani.

ECLESIASTÉS 7:12

Alli yachaipish, cullquipish escudo shinami jarcan. Shina cacpipish alli yachaimi yachaccunamanca causaita cun.

PROVERBIOS 3:22

Cambac almamanca causaita cunga. Cungapi churashca huallca shinami cushichinga.

GÉNESIS 32:26

Chaimantami chai runaca: —Ñami pacarimun, cachari— nirca. Shina nicpica Jacoboca: —Ñucata mana bendiciacpica, mana cacharishachu— nirca.

SAN JUAN 6:63

Diospac Espiritumi causaita cun. Gentecunallaca imata ruhuai pudinchu. Tucui ñuca nishcacunaca, causaita cuc Diospac Espiritumantami.

PROVERBIOS 6:23

Chai mandashcaca lámpara shinami. Yachachishcaca luz shinami, cunashpa rimashcacunaca causaiman apac ñan shinami.

PROVERBIOS 8:35

Ñucata caticca causaita charingami. Shinallatac Mandac Diospac cuyaitapish chasquingami.

PROVERBIOS 10:17

Cunashcata cazuc runaca causaita cuc ñanpimi. Ashtahuanpish cunashcata mana uyacca pandaricunmi.