PROVERBIOS 31:26 - Dios Rimashcata Quillcashcami

²⁶ Paica alli yachac cashpami imatapish riman. Shinallatac cuyaihuanmi yachachin.

PROVERBIOS 31:26 Referans Kwoze

EFESIOS 4:29

Imapish mana alli rimaicunata ama rimashpa, ashtahuanpish yuyaita cuc rimaicunallatac rimaichic. Chashna rimacta uyashpami, shuccunapish yuyaita japingacuna.

PROVERBIOS 16:24

Sumacta rimashcaca bunga mishqui shinami. Almatapish cushichic, cuerpopacpish jambic shinami.

PROVERBIOS 10:31

Cashcata ruhuac runapac shimica alli yachaitami riman. Ashtahuanpish millaita rimactaca callutami pitinga.

PROVERBIOS 12:18

Maijancunaca imata rimashpaca espadahuan chugrichic shinami rimancuna. Ashtahuanpish yachaisapa runapac rimaica jambi shinami.

COLOSENSES 4:5

Cristohuan manarac caccunahuan tandarishpaca, yachaccuna shina caichic. Shinallatac tiempo tiyashcapica allitac ruhuaichic.

PROVERBIOS 25:15

Mandac piñaricpica, allimantallami cushichina. Sumac rimaicunaca tullutapish paquinllami.

1 PEDRO 3:1

Shinallatac huarmicuna, cancunapac cusacunata alli cazuichic. Chashna cazucpimi, mana cric cusapish Dios rimashca shimita mana uyasha nicushpapish,

MALAQUÍAS 2:6

Levitacunaca cashcata nic mandashcacunatami yachachirca. Paicunaca ima mana allita mana rimarcachu. Cashcata ruhuashpami ñucahuan cushilla causarca. Chashnami tauca mana allita ruhuashpa causac runacunata mana allimanta anchuchirca.

JUECES 13:23

Shina nicpimi, Manoapac huarmica: —Mandac Dios ñucanchicta huañuchisha nishpaca, ñucanchic cushpa tucuita rupachishcatapish, asha harinatapish mana chasquinmanchu carca. Shinallatac tucui caicunatapish, mana ricuchinmanchu carca. Shinallatac imatapish mana huillanmanchu carca— nirca.

ESTER 5:8

Can jatun mandacpac ñaupapi alli ricuricpi, ñuca mañashcata ruhuasha nishpaca can jatun mandacman ñuca cutin ruhuashca jatun micuiman can jatun mandacpish, Amanpish cutin shamunguichic. Cayami can jatun mandac mandashca shinallatac huillasha— nirca.

HECHOS 18:26

Apolosca israelcuna tandanacuna huasipimi mana manchashpa huillai callarirca. Chaimantami Priscilapish, Aquilapish paillata cayashpa, Dios ima shina causachun nishcata ashtahuan alli yachachirca.

HECHOS 6:15

Chaipi tucui tiyacuc mandaccuna Estebanta ricushpaca, paipac ñahuica ángel shina cashcatami ricurcacuna.

SAN LUCAS 1:38

Chashna nicpimi Mariaca: —Can nishca shina ñucataca ruhuachunlla. Ñucaca Mandac Diosta servicmi cani— nirca. Shina nicpica, angelca paipac ñaupamanta rircallami.

CANTARES 4:11

Ñuca cuyashca huarmilla, cambac shimimantaca bunga mishquimi llucshicun. Cambac callupica bunga mishquipish, lechepish tiyanmi. Cambac churanaca Libanomanta mishqui shinami ashnacun.

CANTARES 2:14

Rumi quingrai jutcupimi, jahua urcu pacallapi miticuc ñuca palomitalla, cambac ñahuita ricuchiyari. Can rimashcata uyachiyari. Can rimashca shimica mishquillami uyarin. Cambac ñahuipish sumaimanami ricurin» nirca.

ESTER 4:4

Esterta servic carihuan manarac chayarishca solteracunapish, paita cuidac eunuco runacunapish chaipi ima tucucushcatami shamushpa huillarcacuna. Shina huillacpimi, jatun mandac Esterca yallita llaquirishpa, Mardoqueo sharpa churanata llucchichishpa, allita churachichun cacharca. Ashtahuanpish Mardoqueoca mana uyarcachu.

PROVERBIOS 31:27

Huasipi imapish alli cachunmi ricuran. Paica mana yanga micushpalla causanchu.

PROVERBIOS 19:14

Taitamantaca huasita, shinallatac pai ima charishcacunatami chasquingui. Ashtahuanpish Mandac Diosmantaca alli yuyaiyuc huarmitami chasquingui.