PROVERBIOS 31:24 - Dios Rimashcata Quillcashcami

²⁴ Baitacunata ahuashpami catun. Catushpa, randishpa puriccunamanmi chumbicunatapish achcata catun.

PROVERBIOS 31:24 Referans Kwoze

EZEQUIEL 27:16

Canca yallitami charircangui. Chaimantami Edom llacta gentecunapish canhuan randishpa, catushpa causac carca. Paicunaca perlascunata, yana puca telacunata, bordashca churanacunata, tucuimanta yalli alli lino telacunata, coralta, rubíes rumicunata apashpami, randingapac shamuc carca.

SAN LUCAS 16:19

Shuc chayuc runami tiyarca. Paica punzhantami achca valic churanata churarishpa, alli micunallata micushpa cushicuc carca.

PROVERBIOS 31:19

Shuc maquihuanca sicsicta, caishuc maquihuanca piruruta muyuchishpami puchcacun.

PROVERBIOS 31:13

Millmata, linota mashcashpami cushicushpa paipac maquihuan imatapish ruhuan.

1 REYES 10:28

Caballocunata, lienzo telacunataca Egiptomantami Salomonman apamuccuna carca. Jatun mandac Salomón cachashca tandanacushca runacunallatacmi caballocunapi lienzo telacunata randishpa apamuccuna carca. Paicunaca randishpa catushpa puriccunami carca.

JUECES 14:12

Shina apamucpimi Sansonca: —Cunanca cai imashi imashitami huillagrini. Cancuna cai canchis punzha fiesta tucuringacaman cai imashi imata nisha nicushcata tarishpa huillacpica, ñucami quimsa chunga lino churanatapish, quimsa chunga bodapi churanatapish cusha.

PROVERBIOS 31:25

Paica sumac churanata churarishca shinami fuerzatapish charin, alli nishcapish can. Quipa punzha ima tucunatapish mana manchashpami asin.

PROVERBIOS 31:14

Jatun barco catunahuan shamuc shinami micunata apashpa carumanta chayamun.