PROVERBIOS 3:20 - Dios Rimashcata Quillcashcami

²⁰ Tucuita yachac cashpami, jatun mama cuchatapish raquirca. Jahua pacha puyumantami tamyapish urman.

PROVERBIOS 3:20 Referans Kwoze

GÉNESIS 7:11

Noeca sucta patsac huatayuc cacpi, chai huata callarishca ishcai quilla, chunga canchisniqui punzhapimi allpa ucumantapish yacuca timbushpa llucshirca. Jahua pachamantapish yacu punguta pascac shinami tamyai callarirca.

GÉNESIS 27:28

Dios jahua pachamanta allpapi tamyachishpa pucuchichun. Achca trigotapish, achca vinotapish canman cuchun.

GÉNESIS 1:9

Shinallatac Diosca: «Chaquishca allpa tiyachun, cai pacha yacuca shucllaman tandarichun» nirca. Shina nicpica, chashnatacmi saquirirca.

JOEL 2:23

Sionpi causaccunalla, cancunaca Mandac Dios-huan cushicuichicyari. Paica punta tamyataca, tamyana punzhallapitacmi cacharca. Punta tamyatapish, pucuchic quipa tamyatapish utca punzhacunapi shinallatacmi cachanga.

JEREMÍAS 14:22

¿Maijan llacta dioscunamanta maijan tamyachic tiyanchu? Jahua pachapish, ¿pailla tamyata cachai pudinchu? Canca, ¿manachu ñucanchicta Mandac Dios cangui? Can caipi tucui ima tiyaccunata ruhuac cashcamantami canllapi shunguta churanchic» nirca.

DEUTERONOMIO 33:28

Israelca mana manchashpami causanga. Jacobomanta mirashca israelcunaca paicunallami grano allpapi, uvas chagra allpapi causanga. Jahua pachamanta urmac sumac garua tamyapish mana illangachu.

PROVERBIOS 8:24

Manarac mama cucha tiyacpi, tucyac yacu junducuna manarac tiyacpimi ña tiyarcani.