PROVERBIOS 3:2 - Dios Rimashcata Quillcashcami

² Shina ruhuashpami unai punzhacunata, unai huatacunata cushilla causangui.

PROVERBIOS 3:2 Referans Kwoze

PROVERBIOS 4:10

Ñuca huahualla, ñuca yuyaita cushpa rimashcacunata chasquingui. Shina chasquicpica, can causana huatacunatami mirachinga.

PROVERBIOS 9:11

Ñucamantami can causana punzhacunapish ashtahuan miranga. Can causana huatacunapish yapachishcami canga.

SALMOS 91:16

Paimanca unai huatacunatami causachun saquisha. Paita quishpichishpami cushichisha» nirca.

ROMANOS 15:13

Diospac Espíritu crishpa, shuyana yuyaita yallita charichun, Diosllatac cushichishpa, crishpa cushi causaita cuchun. Diosca shuyana yuyaita cucmi.

SALMOS 128:6

Cambac churicunapac churicunatapish ricungacamanmi causangui. ¡Israelcunamanca cushi causai tiyachun!

SALMOS 119:165

Can mandashcacunata cuyaccunaca yallita cushillami causancuna.

PROVERBIOS 10:27

Mandac Diosta manchacpica, causana punzhacunami miran. Ashtahuanpish Diosta mana manchaccunapac causana punzhacunaca utcami tucurin.

1 TIMOTEO 4:8

Cuerpo sinchiyachun pucllanaca, ashacamanca allimi. Ashtahuanpish Dios-huan alli canami tucuimanta yalli allica. Cai causaipacpish, quipa causaipacpish allicunatami apamun.

ROMANOS 5:1

Ñucanchic crishcamanta Dios chasquicpimi, Apunchic Jesucristomanta Dios-huan cushi causanchic.

SALMOS 21:4

Causaita mañacpipish curcanguimi. Unaita causachunmi achca huatacunata curcangui.

ROMANOS 14:17

Dios mandashca causanaca mana ubianata, micunata yuyashpalla causanachu, ashtahuanpish Diospac Espíritu ayudacpi, cashcata ruhuashpa, cushilla causanami.

ISAÍAS 32:17

Cashcata ruhuashcamantaca cushi causaimi tiyanga. Cashcata ruhuashpa, causashcamantami samanapish, cushi causaipish huiñaita tiyanga.

JOB 5:26

Cosechanalla trigota sinchirac cacpi tandashca shinami, sinchirac cacpi enterrana jutcuman apashca cangui.

DEUTERONOMIO 11:21

Mandac Dios cancunapac taitacunaman cushami nishca llactapica cancunapish, cancunapac huahuacunapish ima shinami jahua pacha, cai pacha huiñaita can, chashnami cancunapish huiñaita causanguichic.

1 REYES 3:14

Shinallatac ñucata mana saquishpa, ñuca quillcashca shimicunata ñuca mandashcacunata cambac taita David shina cazushpa causacpica, cambac causana punzhacunatapish yallichishami— nirca.

PROVERBIOS 16:31

Runaca cashcata ruhuashpa causashpami, coronata chasquic shina yuyacyan.

DEUTERONOMIO 5:32

Mandac Dios mandashca shina tucuita pactachinguichic. Allimanpish, lluquimanpish mana ladoyashpa, catinguichic.

PROVERBIOS 4:4

Ñuca taita yachachishpaca: “Ñuca cunashpa rimashcacunata cambac shungupi huacaichingui. Ñuca mandashcacunata cazushpa causashpaca causanguimi” nircami.