PROVERBIOS 29:20 - Dios Rimashcata Quillcashcami

²⁰ ¿Mana alli yuyarishpa rimaric runata ricushcanguichu? Chai runapac randica, yuyai illac runami ashtahuan alli.

PROVERBIOS 29:20 Referans Kwoze

SANTIAGO 1:19

Ñuca cuyashca criccuna, imapish uyanallataca alli uyaichic. Rimaringapacpish, piñaringapacpish jarcariccuna caichic.

PROVERBIOS 26:12

¿Paipac yuyaillapi yuyaisapami cani niric runata ricushcanguichu? Chaipac randica, yuyai illac runamantami imallatapish shuyana can.

PROVERBIOS 14:29

Alli yuyaita chariccunami mana utca piñarin. Ashtahuanpish shungupi utca piñaric runaca yuyai illac cashcatami ricuchin.

ECLESIASTÉS 5:2

Diospac ñaupapica manarac alli yuyarishpa ama rimaichu. Manarac alli yuyarishpaca ama imatapish ruhuashami nichu. Diosca jahua pachapimi, canca allpapimi cangui. Shina cashcamanta can imata ruhuaipacllata ari ningui.

PROVERBIOS 21:5

Imatapish alli yuyarishpa charishcaca achcami tucunga. Ashtahuanpish mana alli yuyarishpa, huacta huacta charishcacunaca tucurishpami catinga.

PROVERBIOS 29:11

Mana entendic runa piñarishpaca pai ima munashcatami ruhuanlla. Ashtahuanpish yachaisapa runaca jarcarinmi.

PROVERBIOS 19:2

Manapish yachashpa imata ruhuanaca mana allichu. Maijanpish callpac shina imatapish utca ruhuacca pandarinmi.

PROVERBIOS 29:19

Servic runataca mana rimashpallachu allichina. Chai rimashcata entendishpapish mana cazunchu.

PROVERBIOS 29:21

Amo paipac servicta uchillamanta pacha yallita cuyashpa huiñachicpica, quipamanca paimi amopac herenciata japinga.