PROVERBIOS 29:18 - Dios Rimashcata Quillcashcami

¹⁸ Dios huillashcata mana pi huillacpica, quiquin munashcata ruhuashpami chingarin. Ashtahuanpish mandashcacunata pactachic runaca yallitami cushicun.

PROVERBIOS 29:18 Referans Kwoze

SAN LUCAS 11:28

Chashna nicpimi Jesusca: —Maijanpish Dios rimashcata uyashpa cazuccunami, yallita cushicun— nirca.

SANTIAGO 1:25

Ashtahuanpish huatashca shina cashcamanta cacharichic, Dios mandashpa rimashca shimita uyashpa, mana cungarishpa, shungupi huacaichicca imata ruhuashpapish cushicungami.

OSEAS 4:6

Ñuca acllashcacunaca mana yachashcamantami chingaringa. Cancunataca ñuca yachachishcata mana chasquishcamantami curacunapuramanta anchuchisha. Ñuca mandashcacunata cungarishcamantami ñucapish cancunapac huahua huahuacunata cungarisha.

SAN JUAN 13:17

Caicunata entendishpa, chaitatac ruhuashpaca, mai cushicuimi canguichic.

PROVERBIOS 19:16

Mandashcata pactachic runaca paipac causaitami cuyan. Dios munashca shina causanata mana munacca huañungami.

SALMOS 119:2

Ima shina causanata yachachishcata pactachingapac tucui shunguhuan mashcaccunaca maimi cushicun.

1 SAMUEL 3:1

Samuel huambraca Elí curapac ñaupapimi Mandac Diospacta ruhuashpa causarca. Chai punzhacunapica Mandac Diospac rimashca shimica maijan cutinllami uyarirca. Shinallatac maijan cutinllami muscuipi shina ricuric carca.

SAN MATEO 9:36

Jesusca tauca gentecuna shitashca, michic illaclla ovejacuna shina, caita chaita puricucta ricushpami, yalli llaquirirca.

ÉXODO 32:25

Aarón israelcuna millaita ruhuacucpi, mana jarcashpa, paicuna munashcata ruhuachun saquishcata shinallatac paita piñaccunapac chaupipi pingaichishcatami Moisesca ricurca.

SALMOS 74:9

Can ñucahuan cashcata ricuchic señaltapish mana ricunchicchu. Can ima nishcata huillaccunapish mana tiyanchu. Maicaman cai llaquicuna tiyanatapish ñucanchicpurapica pi mana yachanchicchu.

SALMOS 19:11

Canta servic ñucaca chai shimicunahuanmi cunashca cani. Chaicunata cazucpica sumac japinami tiyan.

APOCALIPSIS 22:14

Maijanpish causaita cuc yuramanta micungapacpish, chai puebloman punguta yaicungapacpish churanata tacshariccunamanca, ¡mai cushicuimi canga!

2 CRÓNICAS 28:19

Israel llactata jatun mandac Acaz mana allita ruhuashcamantami Mandac Diosca Judá llactapi causaccunataca pingaichishpa cumurichirca. Acazca Judá llactapica imatapish mana jarcarishpami, mana allita ruhuashpa, mana cazushpa, Mandac Diosta piñachirca.

SALMOS 106:3

Maijanpish cashcata ruhuashpa, allita ruhuashpa causacca yallita cushicuchun.

PROVERBIOS 8:32

Cunanca huahuacuna uyaichic: Ñuca yachachishcacunata cazuccunaca cushicunmi.

PROVERBIOS 29:19

Servic runataca mana rimashpallachu allichina. Chai rimashcata entendishpapish mana cazunchu.

SALMOS 119:1

Mandac Dios mandashcacunata cazushpa, ima millaitapish mana ruhuashpa causaccunaca maimi cushicun.