PROVERBIOS 29:14 - Dios Rimashcata Quillcashcami

¹⁴ Jatun mandac huaccha runata cashcata ruhuashpa mandashpaca paipac mandanataca huiñaitami sinchiyachin.

PROVERBIOS 29:14 Referans Kwoze

PROVERBIOS 16:12

Jatun mandaccuna yalli mana allita ruhuanataca millanayachinmi. Ashtahuanpish cashcata ruhuashpami pai mandanataca allita sinchiyachinga.

ISAÍAS 11:4

Ashtahuanpish huacchacunataca cashcata ruhuashpami taripanga. Llaquilla causaccunataca alli ricushpami mandanga. Cai pachapi causaccunataca caspihuan macac shinami, rimashpa llaquichinga. Paita mana manchaccunataca pucushpami huañuchinga.

PROVERBIOS 29:4

Jatun mandacca cashcata ruhuashpa mandashpami, llactata sinchiyachin. Ashtahuanpish yallita impuestohuan gentecunata llaquichic mandacca llactatami tucuchin.

PROVERBIOS 20:28

Jatun mandacca llaquic cashcamanta, cashcata nic cashcamantami cuidashca causan. Cuyac cashpami pai mandashpa tiyarinataca mana chingachin.

PROVERBIOS 28:16

Yuyai illac mandacca gentecunata llaquichishpallami mandan. Ashtahuanpish chayucyanata mana munac mandacca unaitami mandanga.

PROVERBIOS 25:5

Diosta mana manchac runata jatun mandacpac ñaupamanta anchuchingui. Shina anchuchicpimi, jatun mandacca cashcata ruhuashpa sinchiyanga.

SALMOS 89:2

Ñucaca: «Canca alli rumicunahuan huasichishca shina huiñaita llaquicmi cangui. Can cashcata nic cashcapish, jahua pacha shina sinchimi» nircani.

DANIEL 4:27

Chaimanta jatun mandaclla, ñuca cunashcata uyaiyari. Cashcata ruhuashpa, juchamanta llucshiyari. Huacchacunata llaquishpa, millaita ruhuanamanta anchuriyari. Chashna cushilla causanguipishchari.

JEREMÍAS 22:16

Paica llaquilla causaccunamanpish, huacchacunamanpish allita mandashpami alli causarca. Ñucata ricsishcamantami chashnaca causan.

JEREMÍAS 5:28

Chashnami huirayashpa puca ñahuicuna tucurca. Paicunaca yalli mana allitami ruhuarca. Taita mama illac huahuacunamanpish ima allita mana ruhuancunachu. Huacchacunata llaquichicucpipish, mana misancunachu.

ISAÍAS 1:17

allita ruhuanata yachacuichic. Allita mandanata munaichic. Llaquichic runata rimaichic. Taita mama illac huahuacunatapish, viuda huarmitapish ayudaichic» ninmi.