PROVERBIOS 28:8 - Dios Rimashcata Quillcashcami

⁸ Cullquita mañachishpa interesta yallita japic runaca huaccha runata llaquic runamanmi huacaichicun.

PROVERBIOS 28:8 Referans Kwoze

PROVERBIOS 13:22

Allita ruhuac runaca herenciatami paipac huahuacunapac huahuacunaman saquinga. Ashtahuanpish juchayuc runapac charishcaca cashcata ruhuac runaman cungapacmi huacaichishca.

ECLESIASTÉS 2:26

Diosca, paipac ñaupapi alli causac runallamanmi alli yuyaita, alli yachaita, cushicuita cun. Ashtahuanpish juchayuc runamanca charishca jahuapish, ashtahuan tandachichunmi cun. Chai huacaichishcacunataca Diospac ñaupapi alli causac runaman cungapacmi chashnaca cun. Chaicunapish huairata caticuc shina yangallami.

LEVÍTICO 25:36

Imata mañachishpaca, interestapish, interesmanta yallitapish ama cobranguichu. Chaipac randica, cancunapac Dios ñucata manchangui. Shinallatac chai runatapish canhuan causachun saquingui.

EZEQUIEL 18:17

huacchata llaquishpa, cullquita mañachishpapish, mana interesta japishpa, ñuca quillcachishcacunata huacaichishpa, ñuca mandashcacuna nishca shina causashpaca paipac taitapac juchacunamantaca mana huañungachu, ashtahuanpish causangami.

ÉXODO 22:25

Maijan ñuca acllashcapura runaman, cancunahuan causac huaccha runaman cullquita mañachishpaca, ama cullquita mañachiccuna shina interesta cobranguichu.

EZEQUIEL 18:13

cullquita mañachishpapish interesta japic runaca, ¿causangachu? ¡Paica mana causangachu! Cai tucui millaita ruhuashcamantaca huañungatacmi. Chashnami paipac juchamanta huañunga.

EZEQUIEL 18:8

Cullquita mañachishpapish interestaca mana japinchu. Pitapish mana millaita ruhuanchu. Runacunapura piñanacucucpipish, cashcata ruhuashpami allichin.

PROVERBIOS 14:31

Imatapish mana chariccunata llaquichishpa causacca paita ruhuac Diostami llaquichin. Ashtahuanpish ima mana chariccunata llaquic runaca Diostami alli nin.

PROVERBIOS 19:7

Huaccha runataca tucui paipac huauquicunami mana ricunayachin. Paihuan apanacuccunacarin paimantaca caruyancunallami. Pai maijanhuan parlasha nishpapish pita mana taringachu.

2 SAMUEL 12:6

Shinallatac huaccha runata mana llaquishpa, paipac shuclla ovejata huañuchishcamantaca chuscu ovejatami cutichina can— nirca.

SALMOS 72:13

Imata mana chariccunatapish, huacchacunatapish llaquishpami paicunapac causaita quishpichinga.

PROVERBIOS 14:21

Maijanpish shuccunata piñacca juchallinmi. Ashtahuanpish huacchacunata llaquicca yallitami cushicun.