PROVERBIOS 28:27 - Dios Rimashcata Quillcashcami

²⁷ Huaccha runaman carac runaca mana imapish illacchu causanga. Ashtahuanpish mana ayudasha nishpa ñahuita pacac runaca yallita mana alli nishcami canga.

PROVERBIOS 28:27 Referans Kwoze

PROVERBIOS 19:17

Huacchacunaman imata cushpaca Mandac Diosmanmi mañachingui. Allita ruhuashcamantaca Diosmi allita cunga.

PROVERBIOS 11:24

Maijanpish ima charishcata caraccunaca ashtahuanmi chayucyancuna. Maijanpish yallita misashpa, quiquinpaclla charinata munaccunaca imapish illacmi tucuncuna.

DEUTERONOMIO 15:7

Mandac Dios cancunaman cushca llactacunapi cancunapac huauqui imata minishticpica, ama misa canguichicchu, ama maquita huichcanguichicchu.

DEUTERONOMIO 15:10

Tucui mañashcata ama nanarishpa cunguichiclla. Chashna alli shunguhuan mañachicpimi, Mandac Diosca cancuna imata ruhuacpipish bendicianga.

PROVERBIOS 22:9

Cuyac shunguhuan ricuc runaca bendiciashcami canga. Huacchacunaman carashcamantami chashnaca canga.

PROVERBIOS 11:26

Granota quiquinpaclla cachun tandachic runataca tucui gentecunami maldician. Ashtahuanpish mana huacaichishpa, tucuiman cushilla catuctaca bendiciangami.

HEBREOS 13:16

Caishuc chaishuc ayudanacushpa, allita ruhuanataca amatac saquinguichicchu. Chaimi animalta Diosman cushpa rupachic shina can. Chaitami Diosca cushilla chasquin.

ISAÍAS 1:15

¡Cancunapac maquica huañuchishca yahuarllami! Chaimantami cancuna maquita alzashpa mañacpica, ñuca ñahuita pacasha. Yallita mañacucpipish manatac uyashachu.

PROVERBIOS 24:24

Diosta mana manchac runata: «Canca cashcata ruhuacmi cangui» nictaca tucui gentecunami maldicianga. Shinallatac shuctac llactapi causaccunapish piñangacunami.

PROVERBIOS 28:28

Diosta mana manchaccuna mandangapac ricpica, gentecunaca miticungami. Ashtahuanpish paicuna chingaricpica, cashcata ruhuaccunami alli nishca cancuna.

PROVERBIOS 11:25

Shuccunaman imatapish carac alli shungu runaca tucuitami charin. Shuccunaman mana nicta caracca paipish mana nictami micunga.