PROVERBIOS 28:20 - Dios Rimashcata Quillcashcami

²⁰ Cashcata nic runaca yallita bendiciashcami canga. Ashtahuanpish utca chayucyanata munacca llaquichishcatacmi canga.

PROVERBIOS 28:20 Referans Kwoze

PROVERBIOS 13:11

Cungailla charishcacunaca utcami tucurin. Ashancaman, ashancaman charishcacunaca achcayashpami catin.

APOCALIPSIS 2:10

Cantaca llaquicuna japigricunmi. Shina cacpipish ama manchanguichu. Crishpa catincunatachu imami nishpami, maijan cancunataca diablo carcelpi churanga. Chaipica chunga punzhatami llaquita apanguichic. Shina cacpipish huañungacaman ñucata caticpica huiñai causaita ricuchic coronatami cusha.

PROVERBIOS 28:22

Misa runaca utca chayucyanallatami munashpa causan. Ashtahuanpish huaccha tucunataca mana yachanchu.

PROVERBIOS 20:21

Imapish huacta huacta charishcacunaca quipamanca mana cushichinchu.

PROVERBIOS 10:6

Cashcata ruhuac runaca bendiciashcami canga. Ashtahuanpish Diosta mana manchaccunataca millaita ruhuashcallatacmi shimita tapanga.

SALMOS 101:6

Ñuca ladopi causachunca cai pachapi alli causaccunatami ricusha. Ima millaita mana ruhuashpa causacmi ñucata servinga.

NEHEMÍAS 7:2

Chai quipaca ñuca huauqui Hananita, shinallatac uchilla pueblota mandac Ananiastaca Jerusalenpi tiyac torrepi cuidaccunata mandachunmi churarcani. Paicunaca cashcata ruhuac, Diosta manchaccunami carca.

APOCALIPSIS 2:13

Satanás maipi mandacucpi can causacushcata, shinallatac can imata ruhuashcatapish yachanimi. Satanás maipi mandacucpi ñucamanta allita huillac Antipasta huañuchicpipish, ñucata crinataca mana saquishcanguichu.

SAN LUCAS 16:1

Jesusca paipac yachacuccunataca: «Shuc chayuc amomi, shuc mayordomota charirca. Paitami amoca, paipac charishcacunata yanga tucuchishcamanta juchanchirca.

SAN LUCAS 12:42

Chashna nicpimi Jesusca: —¿Maijantac alli cazuc, alli yuyaiyuc mayordomoca? Paipac amo: “Ñuca huasita ricungui, serviccunamanpish micuna horas carangui” nishpami saquinman.

PROVERBIOS 23:4

Ama chayucyanallata munanguichu. Chai munaita saquishpa, alli yuyaihuan puringui.

PROVERBIOS 20:6

Achcacunami allita ruhuanchic nincuna. Ashtahuanpish mana llullac runataca ¿pitac taringayari?

PROVERBIOS 17:5

Huaccha runata asicca paita ruhuac Diostami piñachin. Llaquihuan cacpi, cushicuc runaca paipish llaquitami apanga.

1 SAMUEL 22:14

Shina nicpimi, Ahimelec curaca jatun mandactaca: —¿Tucui canta servicpuramanta cambac yerno shina can mandashcata pactachicca pitac tiyanyari? Paica tucui canta cuidac soldadocunata pushacmi, shinallatac can mandashpa causana huasipipish tucuimi alli nincuna.

SAN MATEO 24:45

¿Maijantac alli cazuc, alli yuyaiyuc servic runaca canga? Paipac amo mandashcata cazushpami, serviccunaman micuna horas caranga.

SAN MATEO 25:21

Chashna nicpimi amoca: “Allitami ruhuashcangui. Ashallapipish allita ruhuashcamantaca, achcatami canmanca mingasha. Cunanca ñucahuan cushicungapac ucuman yaicui” nirca.

PROVERBIOS 19:2

Manapish yachashpa imata ruhuanaca mana allichu. Maijanpish callpac shina imatapish utca ruhuacca pandarinmi.