2 Llactapi causaccuna mana cazushcamantami mandaccunaca shuctac shuctac ricurin. Ashtahuanpish yachaisapa mandacca pipish mana cuyuchipac mandacunllami.
Jatun mandac Asa ña quimsa huatata Judá llactata mandacucpimi, Nadabta Baasaca huañuchirca. Chashna huañuchishpami, Nadabpac randica paillatac mandarca.
Ñuca yallita piñarishpami, jatun mandactaca cancunaman curcani. Chai mandactaca cancunallatac piñachicpimi, quichurcani.
Chaimanta jatun mandaclla, ñuca cunashcata uyaiyari. Cashcata ruhuashpa, juchamanta llucshiyari. Huacchacunata llaquishpa, millaita ruhuanamanta anchuriyari. Chashna cushilla causanguipishchari.
Ñaupa huatamanta pacha rumi montón shina siricuc Jerusalentaca quipa huiñaicunami allichinga. Unaita tallirishca siricuc pircatami callari rumita cutin churashpa shayachingui. Chaita ruhuacpimi cancunataca: “Tallirishca huasicunata allichiccunami, ñancunata allichiccunami” ningacuna.
Chai pueblopica alli yachac huaccha runami causarca. Chai runaca alli yachac cashpami chai pueblotaca quishpichirca. Shina cacpipish chai huaccha runataca pipish mana yuyarircachu.
Judá llactata jatun mandac Asa ishcai huatata ña mandacucpimi, Jeroboampac churi Nadabca israelcunata mandai callarirca. Paica ishcai huatatami Israel llactata mandarca.
Allita ruhuaccunata bendiciacpimi, puebloca alli nishca canga. Ashtahuanpish Diosta mana manchaccuna rimashcaca llaquichishpami tucuchin.