PROVERBIOS 28:18 - Dios Rimashcata Quillcashcami

¹⁸ Allita ruhuashpa causac runaca ima llaquimantapish quishpiringami. Ashtahuanpish mana allita ruhuashpa causac runaca llaquipimi urmanga.

PROVERBIOS 28:18 Referans Kwoze

PROVERBIOS 10:9

Allita ruhuashpa causac runaca imata mana manchanchu. Ashtahuanpish mana allita ruhuashpa causacca jatun llaquimi tucunga.

PROVERBIOS 28:6

Chayuc cashpapish millaita ruhuashpa causanapac randica, huaccha cashpa allita ruhuashpa causanami ashtahuan alli.

APOCALIPSIS 3:3

Callaripi ima shina yachacushcata, uyashcata cazushpa, Diosman cutirishpa catirai. Can mana chashna ruhuacpica can mana yuyashca horasmi shuhua shina cambacman shamusha.

SALMOS 84:11

Mandac Diosca ñucanchicta achicyachic inti, ñucanchicta jarcac escudomi. Mandac Diosca mana pandarishpa causaccunataca cuyashpami allipi churan.

NÚMEROS 22:32

Chaipimi Mandac Diospac ángel Balaamtaca: —¿Ima nishpatac cambac burrotaca quimsa cutin macarcangui? Riqui, can ñuca ñaupapi mana allita ruhuangapac ricucpimi, jarcangapac shamurcani.

1 TESALONICENSES 5:3

Gentecunaca: «Cushillami sumacta causacunchic» nicucpica, jatun llaquica shuc huarmita sajuarina nanai japic shinami cungailla japinga. Chai llaquimantaca pipish mana quishpiringachu.

GÁLATAS 2:14

Chaimantami cashcata nic huillashca shina mana ruhuacushcamantaca, tucui tandanacushca criccunapac ñaupapi Pedrotaca: «Canca Israel cashca jahuami, mana Israel shina causacungui. ¿Chashna cashca jahuachu, mana israelcunataca israelcuna shina causachun ningui?» nircani.

PROVERBIOS 10:25

Huaira tamya shamushpa chingaric shinami, Diosta mana manchacca chingaringa. Ashtahuanpish cashcata ruhuac runaca maita mana cuyuchipac huiñaita causacunllami.

SALMOS 125:5

Ashtahuanpish Diosmanta anchurishpa, millaita ruhuaccunataca millaita ruhuaccunallahuantacmi cachanga. ¡Israelcunamanca cushi causai tiyachun!

SALMOS 26:11

Ashtahuanpish ñucaca allillatami ruhuashpa purisha. Ñucataca llaquishpa quishpichiyari.

SALMOS 25:21

Canllatami shuyacuni. Chaimantami ima pandata mana ruhuani. Allita ruhuana yuyai ñucata huacaichichun.

PROVERBIOS 10:27

Mandac Diosta manchacpica, causana punzhacunami miran. Ashtahuanpish Diosta mana manchaccunapac causana punzhacunaca utcami tucurin.

NÚMEROS 22:21

Tutamanta utca Balaam jatarishpaca, paipac burrota sillashpami Moab llactata mandaccunahuan rirca.

NÚMEROS 22:35

Shina nicpi, Mandac Diospac ángel Balaamtaca: —Chai runacunahuan rilla. Shina rishpapish ñuca imata nichun nishcallata ningui— nirca. Shina nicpimi, Balaamca Balac cachashca mandaccunahuan rirca.

PROVERBIOS 28:10

Allita ruhuaccunata pandachishpa, mana alli ñanpi churac runaca paillatac allashca jutcullapitacmi urmanga. Ashtahuanpish allita ruhuaccunaca allicunatami japinga.