PROVERBIOS 28:13 - Dios Rimashcata Quillcashcami

¹³ Maijanpish paipac juchata pacacca, mana alli causai pudingachu. Ashtahuanpish juchacunata huillashpa, tucuita saquicpica Diosca llaquingami.

PROVERBIOS 28:13 Referans Kwoze

JOB 31:33

Ima millaita mana pacalla ruhuarcanichu. Mana allita ruhuashcataca ñuca shungupi mana pacarcanichu.

JOB 33:27

Runaca tucuipac ñaupapi cantashpaca: “Ñucaca juchatami ruhuashcani, allita ruhuanapac randica mana allitami ruhuashcani. Shina cacpipish, ñuca japina cashcataca mana japishcanichu” ninmanmi.

HECHOS 26:20

Chaimantami puntaca Damasco pueblopi, Jerusalén pueblopi, tucui Judea llactacunapi huillarcani. Mana israelcuna llaquirishpa, Diosman cutirishpa, allita causachunmi huillarcani.

SALMOS 51:10

Ñuca Dioslla, ñucataca chuya shunguta ruhuaiyari. Allita ruhuac Espirituta ñucapica cutin churaiyari.

GÉNESIS 4:9

Chaimantami Mandac Diosca Caintaca: —¿Maipitac cambac huauqui Abelca?— nirca. Shina nicpimi Cainca: —Mana yachanichu. ¿Ñucaca ñuca huauquita cuidacchu cani, imatacyari?— nirca.

PROVERBIOS 10:12

Piñanacuica macanacuipimi churan. Ashtahuanpish cuyaica mana allita ruhuashcata pacanmi.

1 SAMUEL 15:30

Shina nicpimi Saulca: —Ñucaca juchatami ruhuashcani. Shina cacpipish, israelcunata pushac yuyaccunapac ñaupapish, israelcunapac ñaupapipish jatun mandac cashca shinallatac ñucata alli ningui. Canta Mandac Diosta alli nishpa mañangapac ñucahuan cutishun— nirca.

1 SAMUEL 15:24

Shina nicpimi, Saulca Samueltaca: —Shinashpaca juchatami ruhuashcani. Mandac Dios mandashcatapish, can ima nishcatapish mana cazushcanichu. Gentecunata manchashpami paicuna ima mañashcata ruhuachun saquircani. Shina cacpipish, ñuca juchata perdonai.

PROVERBIOS 17:9

Mana allita ruhuashcata pimanpish mana parlacca tucuihuanmi apanacun. Pimanpish parlashpa puric runaca paihuan apanacunatapish caruyachinmi.

1 SAMUEL 15:13

Samuel Saulpacman chayacpimi paica: —¡Cantaca Mandac Dios bendiciachun! Mandac Dios mandashcataca ñami pactachini— nirca.

LEVÍTICO 5:5

Maijanpish maijan caicunapi juchallishca cashpaca, chai juchata ruhuashcata huillashpami,

2 SAMUEL 12:13

Shina nicpimi, Davidca Natantaca: —Chashna juchallishpaca, Mandac Diosta piñachishcanimi— nirca. Shina nicpimi, Natanca: —Mandac Diospish cambac juchata perdonashcami. Chaimanta mana huañunguichu.

2 SAMUEL 14:32

Shina nicpimi, Absalonca Joabtaca: —Riqui, ñucami cantaca cayachun cacharcani. Cantaca jatun mandacpacman rishpa: “¿Imapactac ñucataca Gesur pueblomanta cayachun cacharcangui? Ñuca caipi cashna canapac randica chaillapitac saquirishpami alli caiman carcani. Cunanca can jatun mandactaca ricusha ninimi. Ñuca ima mana allita ruhuashca cacpica, huañuchichunlla” nichunmi cantaca cachasha nircani— nirca.

ESDRAS 10:11

Cunanca, cancunapac ñaupa taitacunata Mandac Diosmanmi juchata huillana canguichic. Dios munashcata ruhuangapacmi cai llactapi causac gentecunamanta anchurishpa, shuctac llactamanta huarmicunamanta anchurina canguichic— nirca.

NEHEMÍAS 9:2

Israelpac huahua huahuacunaca shuctac llactamanta cac gentecunamanta chicanyarishpami, paicunapac juchacunatapish, paicunapac ñaupa taitacuna mana allita ruhuashcatapish huillarcacuna.

JEREMÍAS 2:35

canca: “Ñucaca ima mana allitapish mana ruhuacchu cani. Diosca ñucahuanca mana piñarishcachu” ninguimi. Shina can: “Ima juchata mana ruhuashpami causarcani” nicucpipish, ñucami can imata ruhuashcataca ricuchigrini.

DANIEL 4:27

Chaimanta jatun mandaclla, ñuca cunashcata uyaiyari. Cashcata ruhuashpa, juchamanta llucshiyari. Huacchacunata llaquishpa, millaita ruhuanamanta anchuriyari. Chashna cushilla causanguipishchari.

JUECES 10:15

Shina nicpimi, israelcunaca Mandac Diostaca: —Ñucanchicca juchallishcanchicmi. Cunanca cambac allipac can munashcata ruhuailla. Shina cashpapish cunan punzhaca quishpichiyari— nircacuna.

2 REYES 20:15

Shina nicpimi, cutinllatac tapushpaca: —¿Cambac huasipica imatatac ricurcacunayari?— nirca. Shina nicpimi Ezequiasca: —Ñuca huasipica tucui ima tiyashcatami ricurcacuna. Allichishca huasipi ima tiyashcataca imata mana pacashpami ricuchircani— nirca.

2 CRÓNICAS 6:26

Canta mana cazushpa, paicuna juchata ruhuashcamantaca jahua pachata huichcashpami mana tamyachingui. Paicunata chashna llaquichicpica, cai huasipi canta mañashpami, cambac shutita alli nishpa, canman tigraringa.

ESDRAS 10:2

Shina huacacucpimi, Elampac huahua huahuapuramanta Yehielpac churi Secaniasca Esdrastaca: «Ñucanchicca shuctac llacta huarmicunahuan cazarashpami, ñucanchic Diosta mana cazushpa juchata ruhuashcanchic. Chashna cashpapish israelcunapica alli tucuna yuyai tiyanracmi.

JOB 34:31

Chaica, Diostaca: “Ñucaca ñami yallita llaquita apashcani, cantaca ña mana ashtahuan piñachishachu.

ISAÍAS 55:7

Diosta mana manchac runapish mana alli causaita saquichun. Millaita ruhuac runapish mana alli yuyaita saquishpa, Mandac Diospacman cuti richun. Diosca llaquingami. Paipacman cutiricpica, paica perdonangami.

JONÁS 3:10

Mandac Diosca paipacman cutirishpa, mana allita ruhuashpa causanata saquishcamantami llaquichisha nicushpapish, llaquirishpa mana llaquichirca.