PROVERBIOS 28:1 - Dios Rimashcata Quillcashcami

¹ Diosta mana manchac runaca pipish mana caticucpimi miticushpa callpan. Ashtahuanpish cashcata ruhuac runaca león shinami imatapish mana manchan.

PROVERBIOS 28:1 Referans Kwoze

DEUTERONOMIO 28:7

Cancunata piñaccuna jatarishpa, cancunata llaquichingapac jataricpica, Mandac Dios ayudacpimi, cancunaca mishanguichic. Cancunata macangapacca shuclla ñantami shamungacuna, ashtahuanpish cancunapac ñaupamantaca canchis ñantami callpangacuna.

SALMOS 53:5

Chai gentecunaca Dios paita piñaccunapac tullucunata chirapashcamantami mana pi manchachicucpipish yallita manchaihuan chucchuncuna. Dios shitashcamantami canca pingaichircangui.

SALMOS 112:7

Ima llaquicuna japigrinmi nicpipish, paica mana manchanchu. Mandac Diospi paipac shunguta churashpa imatapish mana manchashpa causanllami.

1 TESALONICENSES 2:2

Filipos pueblopi ñucanchic camishca, llaquichishca cashcatapish yachanguichicmi. Chashna llaquihuan cacpipish, alli huillaita huillachun Diosllatac sinchiyachishcatapish yachanguichicmi.

HECHOS 4:13

Pedropish, Juanpish yachacungapacllapish mana rishca yangalla runacunami carca. Chashna cashpapish mana manchashpami, allita rimarca. Chaimantami chai mandaccunaca mancharishpa saquirirca. Chaimantami paicunaca Jesus-huan puriccuna cashcata yachac chayarcacuna.

HECHOS 14:3

Chaimantami Pablopish, Bernabepish chai pueblopi unaicaman saquirirca. Apunchic Jesús paicunaman poderta cucpimi, mana manchashpa huillarcacuna. Dios cuyac cashcata huillashpami, milagrocunatapish, mancharinacunatapish ruhuarcacuna.

JEREMÍAS 20:4

Mandac Diosca: “Riqui, cantapish, canhuan tucui apanacuccunatapish jatun mancharinatami ruhuagrini. Paicunata piñaccunami espadahuan huañuchinga. Chaitaca cambac ñahuihuanmi ricungui. Judá llactapi causaccunataca Babilonia llactata jatun mandacpac maquipimi churagrini. Paimi Babilonia llactaman prezu apashpa, espadahuan huañuchinga.

LEVÍTICO 26:36

Cancunapuramanta saquiriccunaca piñaccunapac llactapimi causanga. Paicunapac shungupi ñuca manchaita churacpimi, shuc yurapi panga huairahuan cuyuricllapipish manchaihuan callpanga. Espadahuan huañuchingapac caticucpi shinami, manapish pi caticucpi, callpashpa urmanga.

DEUTERONOMIO 28:25

Mandac Diosca cancunataca piñaccunapac maquipimi llaquichichun churanga. Cancunaca macanacungapacca shuc ñanllatami llucshinguichic. Cutin paicunapac ñaupamantaca canchis ñantami cutinguichic. Chaita ricushpaca, tucui cai pachapi tiyac jatun mandaccunami mancharinga.

2 REYES 7:15

Paicunaca Jordán yacu ladocaman rishpami, siriocuna manchaihuan callpashpa, churanacunata, ima charishcacunata ñan jundata shitashpa rishcata ricurca. Chaimantaca jatun mandacman huillangapacmi cutircacuna.

ISAÍAS 7:2

Chaita Davidpac huahua huahuapura Acazman huillangapac shamushpaca: «Siria llactapi causaccunaca Efrainpac llactahuan tandanacushpami canhuan macanacungapac shamushca» nirca. Chashna nicpimi, jatun mandac Acazpac shungupish, Jerusalenpi causaccunapac shungupish huairahuan sachacuna caiman chaiman cuyuric shina chucchurca.

ÉXODO 11:8

Chaimantami tucui canta serviccunaca ñucapac ñaupapi cungurishpa: “Canpish, tucui canta caticcunapish llucshishpa richic” ninga. Chai quipaca ñucapish rishallami— nirca. Shina nishpami, Moisesca yallita piñarishpa, Faraonpacmanta llucshirca.

LEVÍTICO 26:17

Ñucaca cancunata piñashami. Shina piñacpimi, cancunata piñaccunaca atishpa chugrichinga. Cancunata mana ricunayachiccunami manchachishpa changa. Manapish pi ima nicucpimi, miticushpa puringuichic.

NEHEMÍAS 6:11

Shina nicpimi ñucaca: —¿Ñuca shina runacunaca miticungapac rinchu? ¿Ama huañuchichun nishpa, Diospac huasipi huichcaringapac rinchu? ¡Ñucaca mana miticungapac rishachu!— nircani.

PROVERBIOS 27:27

Mama chivocunapac achca lecheca cambac, shinallatac cambac huasi ucupuracunapac, canta servic huarmicunapac micungapacmi can.

ISAÍAS 30:17

Shucllami cancunapuramanta huaranga runata manchachishpa callpachinga. Pichca runacunallami tucui cancunata manchachishpa callpachinga. Chashna callpachicpimi, urcupi shuclla caspi shayacuc shina, bandera shayacuc shina tucunguichic.

1 REYES 1:49

Chashna huillacpimi, Adoniaspac micuiman cayashcacunaca mancharishpa chucchurcacuna. Paicunaca chaimanta jatarishpami, paicunapac ñanta japishpa rircacuna.

JOB 15:21

Paipac ringripica manchana culun nishcami uyarin. Cushilla causacucpimi, tucuchic runa shamushpa tucuchinga.

SALMOS 53:6

¡Israelcunata quishpichingapacca Sionmanta shamushca canmanlla! Dios pai acllashcacunata prezu cashcamanta cutichimucpica, Jacobopac huahua tucui israelcunami yallita cushicunga.

PROVERBIOS 10:9

Allita ruhuashpa causac runaca imata mana manchanchu. Ashtahuanpish mana allita ruhuashpa causacca jatun llaquimi tucunga.