Biblia Todo Logo
Bib sou entènèt

- Piblisite -




PROVERBIOS 27:22 - Dios Rimashcata Quillcashcami

22 Yuyai illac runaca cutana rumipi trigota cutac shina, cutin cutin tigrachishpa tacacpipish manatac entendingachu.

Gade chapit la Kopi




PROVERBIOS 27:22
14 Referans Kwoze  

Mandac Dioslla, canca mana llullac cachunmi munangui. Paicunaca can macacpipish, llaquichishpa tucuchicpipish, mana entendircachu. Rumitapish yalli sinchi shungu tucushpami, cambacman cutinataca manatac munarca.


Canca: «Macashcacunami. Shina cacpipish, mana nananchu. Chugrichishcacunami. Shina cacpipish, mana yuyarinichu. Riccharishpaca ubiagrishallatacmi» ninguimi.


¿Ima nishpatac ashtahuan llaquichishca canata munanguichic? Umapish tucui chugrishca, shungupish tucui nanaihuanmi canguichic.


Chai tuta Faraonpish, tucui paita serviccunapish, shinallatac tucui Egipto runacunapish jataricpica, shuc huasillapipish huañuicunaca mana illarcachu. Chaimantami jatun huacanacui tiyarca.


Egipto llactata jatun mandacman israelcuna miticushpa rishcataca huillacpica, Faraonpish, paita serviccunapish shungupi piñarishpami: «¿Ima nishpatac israelcuna ñucanchicta servinata saquishpa richunca saquircanchic?» nirca.


Ñucanchicta piñaccunaca: “Cati rishpa japishunmi, paicunamanta quichushpa, chaupinacushpa cushicushunmi. Espadata llucchishpami, ñucanchic maquihuan tucuchishun” nircami.


Allcu arcadashcata cutin micuc shinami, yuyai illac runaca paipac shungupi yuyarishcata cutinllatac ruhuan.


¿Etiopiamanta runaca yurac tucui pudinchu? ¿Muru leonpish shuctac color tucui pudinchu? Chashnallatacmi cancunapish mana allita ruhuac cashpaca, allitaca mana ruhuai pudinguichic.


Chaita yachashpami Saulca shuccunata cutin cacharca. Paicunapish Diosmanta huillai callarircacunami. Chashna tucucpimi, cutinllatac Saulca shuctac runacunata cacharca. Caihuanca ña quimsa cutinmi cacharca. Paicunapish chashnallatacmi Diosmanta huillai callarirca.


Tucui caicuna chashna tucucpipish Jeroboamca pai mana allita ruhuashpa causacushcataca mana saquircachu. Ashtahuanpish lomacunapi tiyac altarcunapi curacuna cachunmi, israelcunapuramanta acllashpa churarca. Paica maijanpish chai munaita charictaca lomacunapi cac altarcunapi cura cachun churarcallami.


Yachaisapa runacunapac corona shinaca alli yachaimi. Ashtahuanpish yuyai illaccunapac coronaca pandarinami can.


Swiv nou:

Piblisite


Piblisite