PROVERBIOS 27:18 - Dios Rimashcata Quillcashcami

¹⁸ Higo chagrata cuidacca chai yuracunapi pucushcatami micunga. Amo munashcata ruhuac servicca alli nishcami canga.

PROVERBIOS 27:18 Referans Kwoze

2 TIMOTEO 2:6

Tarpuc runapish, granota japingapacca allpataracmi yallita allichishpa trabajanata charin.

1 CORINTIOS 9:7

¿Pitac quiquin cullquihuan soldado tucun? ¿Pitac manapish micungapac uvasta tarpunga? ¿Pitac ovejata michishpapish lecheta mana ubian?

CANTARES 8:12

Ñuca uvas chagrataca ñucallatacmi cuidacuni. Salomonlla, huaranga cullquica cambac cachun. Ishcai patsac cullquica uvas pucushcata cuidaccunapac cachun.

1 CORINTIOS 3:8

Tarpucpish, parcucpish chai shinallatacmi canchic. Shina cacpipish quiquin imata ruhuashcata ricushpami, Diosca cunga.

SAN LUCAS 12:37

Chashna chaparacucpi amo chayamucpimi, serviccunamanca mai cushicui canga. Chai amoca pai quiquinllatacmi serviccuna churarinata churarishpa, paicunata mizaman tiyachishpa micunata caranga, chashnami canga.

SAN JUAN 12:26

Maijanpish ñucata servisha nicca ñucata catichun. Ñucata servicca maipimi ñuca cani, chaipimi canga. Maijanpish ñucata servictaca ñuca Taitami alli ninga.

SAN LUCAS 19:17

Chashna nicpimi chai mandacca: “Allimi, allitami ruhuashcangui. Ashallatapish, alli ruhuashcamantaca chunga pueblocunatami mandachun cugrini” nirca.

SAN MATEO 24:46

Mandashcata pactachishpa causacucpi amo cuticpica, ¡chai servicca cushicungami!

PROVERBIOS 22:29

¿Ima ruhuanatapish alli yachac runata maipi ricushcanguichu? Paica jatun mandaccunapac ñaupapimi servinga. Yanga gentecunataca mana servingachu.

1 PEDRO 2:21

Chai shina causachunmi Diosca cayarca. Cristoca pai llaquita apashca shinallatac cancunapish llaquita apachunmi, cancunamanta llaquita aparca.

1 PEDRO 2:18

Serviccunaca, cancunapac amocunata tucui imapipish cazuichic. Ama cuyac, llaquic amocunallata cazuichicchu, ashtahuanpish mana alli amocunatapish cazunami canguichic.

COLOSENSES 3:22

Serviccunapish, cai pachapi tiyac amocuna tucui ima nishcata cazushpa, ama paicuna ricucucpi alli ricuringaraiculla ruhuac tucuichicchu, ashtahuanpish Apunchic Jesusta alli niccuna cashcamanta, tucui shunguhuan ruhuaichic.

1 CORINTIOS 9:13

Diosta mañana huasipi serviccunaca, chai huasiman apashca micunatami micun. Chai altarpi serviccunaca Diosman cushcatami micuncuna. Chaitaca cancunallatac yachanguichicmi.

HECHOS 10:7

Paihuan parlacuc ángel ricpica, Cornelioca ishcai serviccunata shinallatac Dios yuyailla causac soldadotami cayarca.

MARCOS 10:43

Cancunapurapica, mana chashnachu cana canguichic. Ashtahuanpish cancunapurapi maijan alli nishca casha nishpaca, caishuccunata servinami canguichic.

SAN MATEO 24:25

Chaicunataca utcamanmi cancunaman huillarcani.

PROVERBIOS 17:2

Alli yuyaiyuc servicca mana cazuc churitapish mandangami. Imalla tiyashcataca paipac huauquicunahuanmi chaupinacunga.

SALMOS 123:2

Riqui, serviccuna paicunapac amopac maquita chapacuc shina, servic huarmicuna paicunapac amapac maquita chapacuc shinami, ñucanchicca Mandac Dios llaquingacaman, paillata chaparacunchic.

1 SAMUEL 2:30

Chaimantami israelcunata Mandac Diosca: “Cambac huasi ucupurapish, cambac taitacunapac huasi ucupurapish huiñaitami ñuca ñaupapi causangacuna” ninmi. Ashtahuanpish Mandac Diosca: “¡Manatac chashna cachun saquishachu! Ñucata alli niccunataca alli nishami, ñucata mana alli niccunataca mana alli nishachu.

ÉXODO 24:13

Chashna nicpimi, Moisesca paita ayudac Josuehuan Diospac urcuman huichai rirca.

2 REYES 5:27

Can chashna ruhuashcamantaca Naamanpac lepra ungüica canpi llutaric shinami cantapish, cambac huahuacunatapish huiñaita llaquichinga— nirca. Shina nicpi, lepra ungüi japicpi, chai runapac aichaca rasu shina yuranlla tucushpa, Eliseopac ñaupamanta llucshirca.

2 REYES 5:25

Chashna paicuna ña ricpimi, paica paipac amopac ñaupapi ricurirca. Chaipimi Eliseoca: —Giezica, ¿maimantatac shamungui?— nirca. Shina tapucpi paica: —Canta servic ñucaca maimanpish mana rircanichu— nirca.

2 REYES 3:11

Shina nicpimi Josafatca: —Mandac Diosman tapungapacca ¿Manachu pai ima nishcata huillac caipica tiyan?— nishpa tapurca. Shina nicpimi, Israel llactata jatun mandacpac servicpuramanta shucca: —Safatpac churi Eliseomi caipi causan. Paica Eliasta servicmi carca— nirca.

SAN LUCAS 12:42

Chashna nicpimi Jesusca: —¿Maijantac alli cazuc, alli yuyaiyuc mayordomoca? Paipac amo: “Ñuca huasita ricungui, serviccunamanpish micuna horas carangui” nishpami saquinman.

2 REYES 18:31

¡Ezequiastaca mana uyanachu canguichic! Asiria llactata jatun mandacca: “Cushi causai tiyachun ñucahuan parlangapac shamuichic. Shina ruhuashpaca, tucui cancunami quiquin uvas, higo chagramanta micunguichic. Yacutapish quiquin jundumanta ubianguichic.

PROVERBIOS 27:17

Fierrotaca fierrollahuantacmi mulana. Runataca, runallatacmi alliyachin.

PROVERBIOS 27:19

Ima shinami ñucanchic yacuta ricucpi, llandu ricurin, chashnallatacmi shuc runa imalaya shungu cashcaca ricurin.

ISAÍAS 36:16

¡Ama Ezequías nishcata uyanguichicchu! Asiria llactata jatun mandacca: “Alli tucungapac ñucapacman shamuichic. Shina ruhuashpaca, tucui cancunami cancunapac uvas chagramanta, olivos chagramanta micunguichic. Yacutapish tucui cancunami quiquin junducunamanta ubianguichic.

ESTER 6:11

Chashna nicpimi, Amanca churarinatapish, caballotapish apamushpa. Mardoqueoman churachishpa, caballopi montachishpa plazaman apashpaca: “Jatun mandac alli nigricushca runataca chashnami alli nina” nirca.