PROVERBIOS 27:10 - Dios Rimashcata Quillcashcami

¹⁰ Canhuan apanacuctapish, cambac taitahuan apanacuctapish ama cungaringuichu. Llaquihuan cashpaca ama cambac huauquipac huasiman ringuichu. Carupi causac huauquipac randica, cambac ladopi causaccunami ashtahuan alli.

PROVERBIOS 27:10 Referans Kwoze

PROVERBIOS 18:24

Apanacuc runaca alli apanacuc cashcatami ricuchin. Alli apanacuccunaca quiquin huauquitapish yalli allimi.

PROVERBIOS 17:17

Apanacuc runaca tucui causaipimi cuyan. Llaqui punzhacunapica shuc huauqui shinami can.

PROVERBIOS 19:7

Huaccha runataca tucui paipac huauquicunami mana ricunayachin. Paihuan apanacuccunacarin paimantaca caruyancunallami. Pai maijanhuan parlasha nishpapish pita mana taringachu.

2 SAMUEL 19:24

Shinallatac Saulpac churi Mefi-bosetpish jatun mandacta tupangapacmi urai shamurca. Paica jatun mandac llucshishpa rishca punzhamanta pachami chaquitapish mana jahuashpa, barbastapish mana pitishpa, paipac churanatapish mana tacshashpa cutimungacaman chashna carca.

2 SAMUEL 21:7

Jatun mandac Saulpac churi Jonatanpac churi Mefi-bosettaca perdonarcami. Chaica mana llaquichinacungapacmi Jonatanhuan Davidhuan ari nishca carca.

HECHOS 23:12

Cayandi tutamanta maijan israelcunaca Pablota huañuchingacaman manatac micungapac, manatac ubiangapacmi ari ninacurca. Mana chaita pactachicpica, Dios llaquichichunmi ari ninacurca.

JEREMÍAS 2:5

Mandac Diosca: «Cancunapac ñaupa taitacuna ñucata saquingapacca, ¿ima mana allitatac tarircayari? Paicunaca imatapish mana ruhuac ruhuashcalla dioscunata catishpami, mana alli nishca tucurca.

2 CRÓNICAS 24:22

Jatun mandac Joasca Zacariaspac taita Joiada cura paiman allita ruhuashcata mana yuyarishpami, paipac churitaca huañuchirca. Zacarías ña huañugricushpaca: «Chashna ruhuashcamantaca Mandac Diosllatac ricushpa llaquichichun» nirca.

2 SAMUEL 19:28

Ñuca taitapac huasi ucupuraca tucuimi can jatun mandacpac ñaupapi huañuna carca. Shina cashpapish ñucata mana huañuchishpa, canta servic ñucataca cambac cayashcacunahuan micuchun mizapi churarcangui. Cunanca, can jatun mandacman imata ashtahuan mañanatapish mana pudinichu— nirca.

DEUTERONOMIO 22:1

Huauquipac huagrata, mana cashpaca ovejata tarishpaca, ama upalla saquinguichu. Chaitaca cutichinami cangui.