PROVERBIOS 25:21 - Dios Rimashcata Quillcashcami

²¹ Canta piñac runa yarcachicpica, micunata carangui. Yacunayaihuan cacpica, yacuta ubiachingui.

PROVERBIOS 25:21 Referans Kwoze

SAN MATEO 5:44

Ashtahuanpish ñucaca: Piñaccunata cuyaichic, shinallatac cancunata llaquichiccunamanta Diosta mañaichic ninimi

PROVERBIOS 24:17

Canta piñac runa llaquipi urmacpica, ama cushicuichu. Mitcaric shina pandaricpipish, shungullapi ama cushicuichu.

2 CRÓNICAS 28:15

Chai quipaca shutipi cayashpa churashca mandaccunami, prezu apamushcacunata pushashpa paicunapurapi maijan churana illaccunaman churachirca. Paicunamanca chaquipipish churachirca, cararca, ubiachirca, shinallatac chugricunata aceitehuan jambishpami, mana puric pudiccunataca burrocunapi montachishpa, palmera yuracuna tiyac Jericó pueblocaman, paicunapac huauquicunapacman pusharca. Chai quipaca Samaria pueblomanmi cutircacuna.

2 REYES 6:22

Shina nicpimi paica: —Ama huañuchichu. ¿Cambac espadahuan, cambac arcohuan macanacuita mishashpa prezu japimushcacunataca huañuchinguimanchu? Ashtahuanpish paicunapac amopacman cutichun, micuchun, ubiachun, tandata, yacuta cui— nirca.

PROVERBIOS 25:20

Llaquilla shungu runaman cantashpaca chiri punzhapi churanata quichushca shinami. Mana cashpaca chugri jahuapi vinagreta tallishca shinami.

1 SAMUEL 24:20

Cunanca can mandac tucunatapish allimi yachani. Israelcunata mandanaca cambac maquipimi huiñaita alli canga.

JOB 24:23

Diosca paicunamanca, imatapish mana manchashpa, paipi shunguta churana yuyaitami cun. Shina cashpapish, paicuna purishcataca ricuracunmi.

PROVERBIOS 24:29

Ama: «Pai imata ruhuashca shinallatacmi ruhuasha, pai llaquichishca shinallatacmi llaquichisha» ninguichu.