18 Maijanta yanga juchanchishpa huillac runaca martillo, espada, flecha shinami.
Ñucaca leoncunapac chaupipi shina, ninata shimiman shitac shina gentecunapac chaupipimi cani. Paicunapac quirucunaca lanzacuna shina, flechacuna shinami. Paicunapac calluca filosapa espada shinami.
Maijancunaca imata rimashpaca espadahuan chugrichic shinami rimancuna. Ashtahuanpish yachaisapa runapac rimaica jambi shinami.
Calluca shuc nina shinami millaita callarichichishpa runata mapayachin. Calluca ucu pacha nina rupacuc shinami, tucui causaipi mana allita ruhuachishpa rupachic shina llaquichicun.
Paicunapac calluca huañuchic flecha shinami. Chashnami llullashpalla causan. Ricsishcacunahuanca nic tucushpallami, cushilla parlan. Ashtahuanpish shungupica pacalla llaquichinatami yuyaricun.
Paicunapac calluhuanca flechata shitac shinami llullan. Cashcata ninapac randica, ashtahuan ashtahuan millaita ruhuashpami, mandac Diostaca mana ricsirca.
Ama pitapish llullashpa, huillashpa llaquichinguichu. Cambac shimihuanpish ama llullanguichu.
Paicunapac calluca culebrapac callu shina puntasapami. Paicunapac shimicunapish culebrapac veneno shinami.
Cambac calluca punzhantami llaquichin. Llullangapacca navaja mulashca shinami.
Paipac rimashca shimicuna mantequilla shina ñutunlla cashpapish, paipac shungupica macanacuna yuyaillami can. Aceitetapish yalli ñutunlla rimaicunata parlashpapish espadata bainamanta llucchishpa charicuc shinami can.
Ama yanga pitapish juchanchishpa llaquichingui.
Vecinopac huasiman ama yallita ringuichu. Pacta canta mana ricusha nishpa piñai callarinman.