PROVERBIOS 24:25 - Dios Rimashcata Quillcashcami

²⁵ Ashtahuanpish chai llaquichiccunataca cuyangacunami. Paicunaca bendiciashcami canga.

PROVERBIOS 24:25 Referans Kwoze

1 TIMOTEO 5:20

Juchata ruhuashpa caticcunataca, tucuipac ñaupapi rimangui. Chashna ruhuacpimi, shuccunapish manchangacuna.

PROVERBIOS 28:23

Mana allita ruhuac runata alli nishcamanta alli nishca canapac randica, cunashpa rimac runami alli nishca canga.

TITO 2:15

Cai ñuca nishcacunataca poderhuan yachachingui, cunangui, shinallatac mana allita ruhuaccunataca sinchita rimangui. Ama pi canta mana alli nishpa rimachun saquinguichu.

TITO 1:13

Chashna nishpaca, cashcatatacmi nirca. Chaimantami chai pandachiccunataca cashcata criccuna cachun, sinchita rimana can.

SAN MATEO 14:4

Herodesca Herodias-huanmi apanacushpa causacurca. Chaimantami Bautizac Juanca Herodestaca: «Shucpac huarmihuan causanaca mana allichu» nishca carca.

NEHEMÍAS 13:28

Joiadapac churicunamanta shuc churimi horonitapuramanta Sanbalatpac ushihuan cazarashca carca. Joiadaca curacunata mandac Eliasibpac churimi carca. Shina cazarashcamantami Sanbalatpac yernotaca ñuca ñaupamanta llucchishpa cacharcani.

NEHEMÍAS 13:25

Chaimantami paicunata sinchita rimashpa, paicunata maldiciarcani. Maijancunataca huactarcani, acchatapish pitircani. Chai quipami paicunataca: «¡Cancunapac ushicunataca paicunapac churicunahuanca ama cazarachinguichicchu! ¡Cancunapac churicunapac huarmi cachunpish paicunapac ushicunataca ama apamunguichicchu!

NEHEMÍAS 13:17

Chaita ricushpami, Judá llacta mandaccunataca: «¿Ima nishpatac samana punzhata yangata ruhuashpa, millaita ruhuacunguichic?

1 SAMUEL 3:13

Paipac churicuna mana allita ruhuacpi, pai mana rimashcamantami paipac huasi ucupurataca huiñaita llaquichisha. Chaitaca paica yachanmi.

LEVÍTICO 19:17

Shuccunata ama cambac shungupi piñanguichu. Ashtahuanpish maipi pandaricushcata ricuchishpa cunangui. Mana cunashpaca juchayucmi tucungui.

2 TIMOTEO 4:2

Alli huillaitaca uyasha nicpi, mana uyasha nicpimi huillacuilla. Mana piñarishpa, rimacuilla, alli yachachicuilla, cunacuilla.

PROVERBIOS 24:26

Alli rimaicunahuan cutichic runapac shimitaca muchac shinami alli ninga.