PROVERBIOS 24:2 - Dios Rimashcata Quillcashcami

² Paicunapac shungupica macanacunallatami yuyacuncuna. Paicunapac shimica mapacunallatami rimancuna.

PROVERBIOS 24:2 Referans Kwoze

SALMOS 10:7

Paipac shimica mana alli ninallata, llullanata, llaquichinallatacmi riman. Paipac shimipica millaillata rimashpa llaquichic shimicunami pacashca shina tiyacun.

SALMOS 7:14

Diosta mana manchacta ricui. Paicunaca millaicunata huicsayuc tucushpami, llullata huacharca.

SALMOS 28:3

Ama chai millai runacunahuan pacta huañuchichu. Paicunaca shuccunahuan sumacta rimashpapish shungupica millaitami yuyancuna.

ISAÍAS 59:4

Cashcata ruhuachun caparishpa mañacca pipish mana tiyanchu. Pipish mana cashcata ruhuangapac juezpacman rinchu. Ashtahuanpish yanga juchanchishpa, rimangapacllami rin. Millaita huicsayuc shina tucushpaca, imatapish mana allitami sajuarin.

JOB 15:35

Millaitami huicsayuc tucurcacuna mapatami sajuarircacuna, Paicunaca pandachina yuyaillami causancuna» nirca.

HECHOS 13:10

—¡Canca Diablopac huahuami cangui! ¡Canca cashcata ruhuanata saquishpami, mana allillata ruhuashpa causangui! ¿Ima horacamantac Mandac Dios munashca shina, alli causasha nicuccunataca pandachingui?

1 SAMUEL 23:9

Ashtahuanpish Davidca Saúl ima shina huañuchinata yuyaricushcata yachashpami Abiatar curataca: —Efodta apamui— nirca.

MIQUEAS 7:3

Paicunapac maquica ima mana allita ruhuangapac yachachishcami. Jatun mandaccunaca mana allita ruhuangapacmi imatapish cuchun mañacun. Juezcunaca imata pacalla japishpami mandan. Mandacpish, paipac shungu munashcatami riman. Chashnami allita ruhuanataca saquin.

PROVERBIOS 6:14

Paipac shungupica mana allita ruhuana yuyaimi tiyan. Tucui causaipimi ima llaquita ruhuanallata, piñanacuipi churanallata yuyarishpa purin.

SALMOS 140:2

Paicunapac shungupica llaquichina yuyaillami purincuna. Shinallatac punzhantami piñanacuipi churancuna.

SALMOS 36:4

Paica camapi siricushpapish, millaita ruhuanallatami yuyarin. Millai ñanpi cashpami millaita ruhuanataca mana millanayachin.

PROVERBIOS 24:8

Llaquichina yuyailla puric runataca millai yuyaiyuc runa ningacunami.

SALMOS 38:12

Ñucata huañuchishun niccunaca ima shina urmachinatami yuyaricuncuna. Ñucata llaquichinata yuyacuccunaca millaitami parlanacuncuna. Ñucata urmachingapacmi tucui punzha yuyarinacuncuna.

PROVERBIOS 6:18

shungupi millaillata ruhuanata yuyacta, mana allita ruhuangapac callpacta,

ISAÍAS 30:12

Chaimantami israelcunapac jucha illac Diosca: «Cancunaca ñuca rimashcata mana cazushpami, yalli mana allita ruhuashpa, pitapish yallita llaquichinallata yuyarishpa causacunguichic.

JEREMÍAS 22:17

Shina cacpipish, cambac ñahuipish, cambac shungupish shuccunata llaquichishpa, yallita chayucyanallatami munan. Shinallatac mana faltayuc runata yahuarta jichanallata, llaquichinallata, millaita ruhuanallatami munan. Chaitaca Mandac Dios ñucami nini» ninmi.

PROVERBIOS 1:10

Ñuca huahualla, millaita ruhuaccuna inquitacpipish ama uyanguichu.