PROVERBIOS 24:1 - Dios Rimashcata Quillcashcami

¹ Mana allita ruhuaccunapac causaitapish, paicunahuan tandanacunatapish ama munanguichu.

PROVERBIOS 24:1 Referans Kwoze

SALMOS 37:7

Mandac Diospac ñaupapi upalla cailla. Pai imatapish nichun shuyailla. Millaicuna sumacta causacta ricushpapish, ama chai causaita munanguichu.

PROVERBIOS 3:31

Yallita llaquichic runa ima shina cacta ricushpa, ama canpish chashnallatac casha ninguichu. Pai imata ruhuashpa causacuctapish ama catinguichu.

PROVERBIOS 23:17

Ama cambac shungupi juchayuccuna shina causanata munaichu. Chaipac randica punzhanta Mandac Diosllata manchashpa causangui.

PROVERBIOS 13:20

Yachaisapa runacunahuan tandanacucca yachaisapami tucunga. Ashtahuanpish yuyai illac runacunahuan tandanacucca paipish yuyai illacmi tucun.

SALMOS 73:3

Diosta mana manchaccuna cari tucushcata ricushpa, paicuna chayuccuna cacpimi, ñuca shungupipish munarcani.

SALMOS 37:1

Millaita ruhuaccunamantaca ama yallita piñarichu. Paicuna imata ruhuashcata ricushpa ama canpish ruhuasha nichu.

PROVERBIOS 24:19

Mana allita ruhuaccunamanta ama piñarichu. Diosta mana manchac runacunapac causaitaca ama munaichu.

SALMOS 26:9

Ñucataca ama juchayuccunahuan tandachishpa huañuchichu. Huañuchic runata shinaca ama causaita quichuichu.

SALMOS 1:1

Millaita ruhuaccuna cunashcatapish mana uyac, juchata ruhuaccunapac ñantapish mana catic, Dios-huan burlaccunahuan mana tandaric runaca maimi cushicunmi.

PROVERBIOS 4:14

Diosta mana manchaccuna purina ñanta ama puringuichu. Millaita ruhuaccunapac ñanpipish ama chaquita churanguichu.

PROVERBIOS 4:15

¡Chai ñanta rinataca cuidaringui! ¡Chai ñanmanta anchurishpa pasanguilla!