PROVERBIOS 23:35 - Dios Rimashcata Quillcashcami

³⁵ Canca: «Macashcacunami. Shina cacpipish, mana nananchu. Chugrichishcacunami. Shina cacpipish, mana yuyarinichu. Riccharishpaca ubiagrishallatacmi» ninguimi.

PROVERBIOS 23:35 Referans Kwoze

JEREMÍAS 5:3

Mandac Dioslla, canca mana llullac cachunmi munangui. Paicunaca can macacpipish, llaquichishpa tucuchicpipish, mana entendircachu. Rumitapish yalli sinchi shungu tucushpami, cambacman cutinataca manatac munarca.

ISAÍAS 56:12

Paicunaca: “¡Shamuichic, vinota, machana yacuta ubiashpa machashunchic! ¡Cayapish cunan punzha shinallatac, mana cashpaca ashtahuan allimi canga!” ninmi» nirca.

PROVERBIOS 27:22

Yuyai illac runaca cutana rumipi trigota cutac shina, cutin cutin tigrachishpa tacacpipish manatac entendingachu.

PROVERBIOS 26:11

Allcu arcadashcata cutin micuc shinami, yuyai illac runaca paipac shungupi yuyarishcata cutinllatac ruhuan.

2 PEDRO 2:22

Ashtahuanpish paicuna chashna tucucpica: «Allcupish pai ungushcallatatacmi cutin tigrachishpa micun. Cuchipish armarishca quipaca, cutinmi turupi singun» nishcaca pactashca.

EFESIOS 4:19

Paicunaca mana pingaccuna cashpami, ima mana allita ruhuashpapish, mana jarcarishpa ruhuancunalla.

JEREMÍAS 31:18

Efraín llactataca: “Canmi ñucata macashpa llaquichircangui. Piña huagrata shinami llaquichichun cacharcangui. Cambacman ñucaca cutisha ninimi. Canmi ñuca Mandac Dios cangui.

ISAÍAS 22:13

Huagracunata, ovejacunata huañuchishpa, micushpa, vinota ubiashpa yallita cushicushpami: «¡Micushunchic, ubiashunchic, cayaca huañushunmi!» ninguichic.

DEUTERONOMIO 29:19

Shina tiyashpaca, cai ari nishcata uyashpapish jatun tucushpa shungupi: “Ñucaca munashcata ruhuashpapish allimi causasha” ninguiman. Chashna yuyacpica, canmantami tucui llaqui tucunga.

PROVERBIOS 23:34

Mama cucha chaupipi siricushca shina. Jatun barco chaupipi shayacuc caspi puntapi tiyacushca shinami cangui.