PROVERBIOS 23:32 - Dios Rimashcata Quillcashcami

³² Ashtahuanpish chai quipaca culebra shinami caninga. Millai culebra canishca shinami venenanga.

PROVERBIOS 23:32 Referans Kwoze

ROMANOS 6:21

Chai ruhuashcacunamantaca cunan pingaihuanmi canguichic. Shinaca, ¿ima allitatac japircanguichic? Chaicunaca huañuimanmi apan.

AMÓS 9:3

Carmelo urcupi miticucpipish, mashcashpami tarisha. Ñuca ñahuimanta miticushpa, mama cuchaman yaicucpica, culebratami canichun cachasha.

AMÓS 5:19

Chai punzhapica leonta manchashpa callpacushpaca, osohuanmi tupanga. Huasiman yaicushpa, pircapi tuparishpaca, culebrapimi taunallinga.

JEREMÍAS 8:17

Mandac Diosca: «Cancunata llaquichichunca huañuchic culebracunata cachagrini. Chaicunata imahuanpish mana upayachi pudingachu. Chaicunami cancunataca canishpa tucuchinga» nirca.

JEREMÍAS 5:31

Dios ima nishcata huillaccunapish llullashpami huillan. Curacunapish paicuna munashca shinami pushacun. Ñuca acllashcacunapish chaitami munancuna. Chaimanta llaqui punzhacuna chayamucpica, ¿imatatac ruhuanguichic?

ISAÍAS 59:5

Paicunaca culebrapac rurucunata ucllac shina, araña telata ahuac shinami causan. Maijanpish chai rurucunata micushpaca huañungami. Chai rurucunata tucyachicpica, culebracunami llucshinga.

ISAÍAS 28:3

Machashpalla causac jatun tucushca Efraín aillutaca paipac chaquihuanmi sarunga.

ECLESIASTÉS 10:8

Jutcuta ruhuacca chai jutcullapitacmi urmanga. Pircata urmachictaca culebrami caninga.

PROVERBIOS 5:11

Quipaman cambac cuerpo yuyacyacpi, causai tucurimucpica, yallita llaquiringuimi.

JOB 20:16

Culebrapac venenotami sunganga. Culebrapac callumi huañuchinga.

ÉXODO 7:12

Paicunapac quiquin varata pambapi shitacpica, tucui varacunami culebra tucurca. Ashtahuanpish Aaronpac varaca paicunapac varacunata tucuimi micurca.

EFESIOS 5:18

Ama machaichicchu. Machaccunaca imapipish mana jarcarincunachu. Chaipac randica, Diospac Espíritu junda caichic.

SALMOS 91:13

Leonpac, culebrapac jahuatami puringui. Maltón leontapish, huañuchic culebratapish sarunguimi.

PROVERBIOS 20:1

Runaca vinota ubiashpaca burlashpami asin. Machana yacuta ubiashpaca bullashpami caparin. Chaicunata ubiashpaca mana yachaisapa cashcatami ricuchin.

ISAÍAS 11:8

Chuchucuc huahuapish huañuchic culebrapac jutcupimi pucllacunga. Chuchumanta raquirishca huahuapish millai culebra causana jutcupimi maquita satinga.