PROVERBIOS 23:19 - Dios Rimashcata Quillcashcami

¹⁹ Ñuca huahualla, ñucata uyashpa alli yachaisapa cangui. Cambac shunguta allichishpa, alli ñanta catingui.

PROVERBIOS 23:19 Referans Kwoze

PROVERBIOS 23:26

Ñuca huahualla, tucui shunguhuan ñucata uyaiyari. Cambac ñahuihuanca ñuca ima shina causashcata ricuiyari.

PROVERBIOS 23:12

Yachachishca shimicunataca tucui shunguhuan pactachingui. Alli yachachishpa rimashcacunata cambac ringrihuan uyangui.

PROVERBIOS 6:6

Quilla runacunalla, hormigata ricui. Hormiga imata ruhuacta ricushpa, yachaisapa caiyari.

PROVERBIOS 9:6

Yuyai illac causaita saquishpaca causanguichicmi. Alli yuyaihuan purina ñanpi purichi» nircami.

DEUTERONOMIO 4:9

Chaimanta alli cuidaringuichic. Cambac ñahuihuan ricushcacunata ama cungarishpa, yuyarashpa causanguichic. Tucui causaipi cambac shungupi huacaichishca shina causaichic. Huahuacunamanpish, nietocunamanpish yachachinguichic.

DEUTERONOMIO 21:20

Chashna apashpami, chai llactata pushac yuyaccunamanca: “Cai ñucanchic churica mana cazuc, sinchi shungumi. Ñucanchic nishcatapish mana cazushpami, paipac munashcata ruhuashcata ruhuashpa, machashpa purin” nishpa huillanga.

PROVERBIOS 4:26

Can saruna ñantapish ima shina cacta alli ricungui. Imata ruhuashpapish allita ruhuangui.