PROVERBIOS 22:7 - Dios Rimashcata Quillcashcami

⁷ Chayuc runaca huacchacunapac mandacmi tucun. Cullquita mañac runaca mañachic runapac randishca shinami tucun.

PROVERBIOS 22:7 Referans Kwoze

2 REYES 4:1

Dios ima nishcata huillacpuramanta shuc runapac churipac huarmimi Eliseotaca: —Canta servic ñuca cusaca huañushcami. Canta servic ñuca cusa Mandac Diosta servic cashcataca canllatac yachanguimi. Shina cacpipish, ñucanchicman cullquita mañachic runami, ñuca ishcai huahuacunata paita servic cachun apangapac shamushca— nirca.

PROVERBIOS 22:16

Maijanpish chayucyangaraicu huaccha runata llaquichic, mana cashpaca chayuc runaman cucca huacchami tucunga.

PROVERBIOS 18:23

Huaccha runaca sumactami riman, chayuc runaca sinchitami riman.

SANTIAGO 2:6

Shina cacpipish cancunaca huacchami nishpami, paicunataca yangapi churanguichic. Cancunata llaquichishpa, juezpacman apaccunaca, ¿manachu chayuccuna can?

SAN MATEO 18:25

Pai cutichingapac cullquita mana charicpimi, chai mandacca huarmitapish, huahuacunatapish, tucui charishcacunatapish catuchun mandarca.

PROVERBIOS 22:22

Huaccha runa cashcamanta paimanta ama imata quichunguichu. Llaquihuan causac runatapish, pueblo pungupi cac mandaccunapacman apashpa ama llaquichinguichu.

PROVERBIOS 14:31

Imatapish mana chariccunata llaquichishpa causacca paita ruhuac Diostami llaquichin. Ashtahuanpish ima mana chariccunata llaquic runaca Diostami alli nin.

SANTIAGO 5:1

Chayuccuna, caita uyaichic: ¡Cancunataca jatun llaquicunami japinga! ¡Chaimanta caparishpa huacaichic!

AMÓS 8:6

Huacchacuna mana pagai pudishpaca ñucanchicta serviccunami tucunga. Imata mana chariccunaca ushutamantami ñucanchicta servic tucunga. Lanchashca trigotapish catushunmi» ninguichicmi.

AMÓS 8:4

Cai llactapica imata mana chariccunata, huacchacunata llaquichiccuna caita uyaichic.

AMÓS 4:1

Mandac Diosca: «Basán llacta huirayashca vacacuna shina Samariapi causac huarmicunalla, caita alli uyaichic. Cancunaca huacchacunata, imata mana chariccunata sarushpami llaquichinguichic. Cutin cancunapac cusacunataca: “¡Vinota apamushpa machashunchic!” ninguichicmi» ninmi.

ISAÍAS 24:2

Chai llaquica llactapi causactapish, curatapish, amotapish, servictapish, amatapish, servic huarmitapish, randictapish, catuctapish, cullquita mañachictapish, cullquita mañactapish, imata mañachictapishmi llaquichinga.

SANTIAGO 5:4

Cancunapac allpapi granota tandaccunamanca mana pagashcanguichicchu. Paicunaca cancunataca ñacacuncunami. Chai ñacashcacunataca, imatapish ruhuaclla Diosca uyashcami.

AMÓS 2:6

Mandac Diosca: «Israelcunataca catipi quimsa cutin, chuscu cutin juchallishcamanta llaquichinataca manatac saquishachu. Paicunaca cashcata ruhuac runataca cullquipimi catun. Huaccha runataca ishcai ushutahuanmi cambian.