19 Mandac Diospi shunguta churachunmi cunanpish canman yachachini.
Mandac Diostaca tucui shunguhuan cringui. Cambac yachaipica ama shunguta churanguichu.
Pai acllashcacunalla, tucui punzhacuna paillata shuyaichic. Diosmi ñucanchic miticunami. Chaimanta tucui shunguhuan paipac ñaupapi mañaichic.
Paimantami cancunaca Diosta cringuichic. Diosmi Cristotaca huañushcacunapuramanta causachishpa sumacyachirca. Chaimantami cancunaca Diospi shunguta churashpa cringuichic.
Ashtahuanpish Mandac Dios ñucata shuyashpa causacca alli nishcami canga.
Mandac Diosca huiñaipac jarcarina jatun rumi shinami. Chaimanta paipi huiñaita shunguta churaichicyari.
¡Mandac Diosca ñucata quishpichicmi! ¡Ñucata sinchiyachic, ñuca cantana, ñucata quishpichic Diosmi! Chaimanta paipi shunguta churashpaca imatapish mana manchashachu» ningui.
¿Manachu quimsa chunga cunashpa yachachishcataca canman quillcani?