PROVERBIOS 21:15 - Dios Rimashcata Quillcashcami

¹⁵ Cashcata ruhuac allita ruhuashpaca cushicunmi. Ashtahuanpish mana allita ruhuaccunamanca tucuchic llaquimi ricurin.

PROVERBIOS 21:15 Referans Kwoze

PROVERBIOS 10:29

Allita ruhuashpa causaccunapacca Mandac Diosca jarcarina torre shinami. Ashtahuanpish millaita ruhuaccunapacca chingarinaman apana ñan shinami.

SAN MATEO 7:23

Chashna cacpica ñucaca: “Cancunataca mana ricsinichu. Anchurichic, millaita ruhuaccuna” nishami.

ISAÍAS 64:5

Cushicuihuan cashcata ruhuaccunahuan, canta yuyarishpa causaccunahuan tupangapac llucshircanguimi. Riqui, ñucanchic juchata ruhuashcamantaca piñarircanguimi. Cai tucui huatacunatami juchallata ruhuashpa catircanchic. Chashna cashpaca, ¿quishpirishunchu?

ECLESIASTÉS 3:12

Ñucaca runa causashcacamanca cushicushpa, sumacta causana ashtahuan alli cashcatami ricuni.

PROVERBIOS 21:12

Diosca paita mana manchac runapac huasi ucupurataca ricucunmi. Diosta mana manchaccuna paicuna mana allita ruhuashcamanta chingaricuctapish ricucunmi.

PROVERBIOS 5:20

Ñuca huahualla, ¿ima nishpatac shucpac huarmitaca cuyangui? ¿Ima nishpatac shucpac huarmipac chuchucunapi ucllaringui?

SALMOS 119:16

Quillcashpa mandashcacunahuanmi cushicuni. Cambac rimashcacunataca manatac cungarishachu.

SALMOS 112:1

Mandac Diosta manchaccunaca cushicunmi. Pai mandashcacunapimi yallita cushicun.

SALMOS 40:8

“Ñuca Dioslla, cambac munaita ruhuashpami cushicuni. Can mandashcataca ñuca shungupimi huacaichini” ninmi» nircani.

ROMANOS 7:22

Ñuca shungupica Diospac mandashcacunahuanmi yallita cushicuni.

SAN JUAN 4:34

Shina nicpimi Jesusca: —Ñuca micunaca, ñucata cachac Diospac munaita ruhuanami, pai imata ruhuachun nishcata tucuchinami.

SALMOS 119:92

Can mandashcacuna ñucata mana cushichishca cacpica, ñucaca llaquipi huañuimanmi carcani.

PROVERBIOS 21:16

Alli yachaita saquishpa caruyacca huañushcacunahuanmi tandanacugringa.