PROVERBIOS 21:12 - Dios Rimashcata Quillcashcami

¹² Diosca paita mana manchac runapac huasi ucupurataca ricucunmi. Diosta mana manchaccuna paicuna mana allita ruhuashcamanta chingaricuctapish ricucunmi.

PROVERBIOS 21:12 Referans Kwoze

PROVERBIOS 14:11

Diosta mana manchaccunapac huasica shitashcami canga. Ashtahuanpish allita ruhuaccunapac huasica sisacuc shinami ricuringa.

1 CORINTIOS 10:5

Chashna cashpapish achcacunami Diospac ñaupapica mana alli carcacuna. Chaimantami chai shitashca pamballapitac huañurcacuna.

AMÓS 4:11

Sodomata, Gomorrata llaquichishca shina, yallita llaquichicpi, cancuna mana tucui rupashca caspi shina cashpapish, mana ñucapacman cutirircanguichicchu. Chaitaca Mandac Dios ñucami nini.

PROVERBIOS 14:32

Diosta mana manchacca pai millaita ruhuashcamantami chingaringa. Ashtahuanpish cashcata ruhuacca huañugricushpapish cuidashcami canga.

SALMOS 107:43

Maijanpish alli yachac, cai yuyaicunata cazucmi Mandac Dios llaquic cashcataca entendinga.

SALMOS 52:5

Chaimantami Diosca cantaca causaita quichushpa huiñaipac chingachishpa, cambac huasi ucupuramanta anchuchinga. Cai pachapi causaccunapuramanta sapimanta llucchic shinami cantaca chingachinga.

JOB 8:15

Chai ahuashcapi taunallicpica urmanllami. Chai ahuashcapi japiricpica pitirinllami.

JOB 5:3

Sinchi shungu runataca sapiyashca shina ñaupaman rictami ricurcani. Shina cacpipish paipac huasitaca chai punzhallatacmi maldiciarcani.

OSEAS 14:9

Cai huillashcacunata alli yachangapacca, ¿pitac alli yachac canguichicyari? Caicunata entendingapacca, ¿pitac alli yuyaita charinguichicyari? Mandac Diospac ñancunaca alli ñancunami. Chai ñancunataca cashcata ruhuaccunallami puringa. Ashtahuanpish mana cazuccunaca chaillapitacmi mitcaringa.

PROVERBIOS 13:6

Cashcata ruhuac runataca chai cashcata ruhuashcallatacmi cuidan. Ashtahuanpish juchayuc runataca chai juchallatacmi urmachin.

GÉNESIS 19:29

Chashna chai pueblocunata, pambacunata tucuchishpapish Diosca Abrahamta yuyarishpami, Lotta chingarigricuc pueblomanta llucchishpa quishpichirca.

PROVERBIOS 29:16

Diosta mana manchaccuna miracpica, juchacunapish mirarinmi. Ashtahuanpish cashcata ruhuaccunaca paicuna llaquita apactami ricunga.