PROVERBIOS 20:3 - Dios Rimashcata Quillcashcami

³ Piñanacuimanta anchuricca alli nishcami. Yuyai illac runa piñanacuipi yaicucca mana illangachu.

PROVERBIOS 20:3 Referans Kwoze

PROVERBIOS 16:32

Yallita sinchi runa canapac randica, mana utca piñaric canami ashtahuan alli. Quiquinllatac jarcaric runaca shuc pueblota japic runatapish, ashtahuan yalli allimi.

PROVERBIOS 17:14

Piñanacuita callarichic runaca jatun yacutami cacharin. Piñanacui manarac callaricpi anchuringui.

EFESIOS 4:32

Caishuc chaishuc-huan cuyac shunguhuan apanacushpa alli causaichic. Jesucristomanta cancunapac juchacunata Dios perdonashca shina, caishuc chaishuc perdonanacuichic.

PROVERBIOS 19:11

Alli yuyaiyuc runaca piñarishpapish jarcarinmi. Piñaccuna rimacpipish upalla tucushpa, alli nishca canallatami munan.

PROVERBIOS 14:29

Alli yuyaita chariccunami mana utca piñarin. Ashtahuanpish shungupi utca piñaric runaca yuyai illac cashcatami ricuchin.

SANTIAGO 4:1

Cancunapuraca, ¿ima nishpatac macanacunguichic, piñanacunguichic? Cancunapac shungupi millai munaicuna tiyashpa, caita chaita yuyachicucpimi, chashnaca ruhuanguichic.

PROVERBIOS 18:6

Yuyai illac runa rimashpaca piñanacuillapimi churan. Paipac rimashcaca llaquichichunmi caparicun.

SANTIAGO 3:14

Shina cashpapish shuccuna shina casha nishpa shungupi canirishpa, quiquinlla imata ruhuashpaca ama ñucaca yachacmi cani nichicchu, shinallatac, cashcata nic huillashcatapish mana cazucunguichicchu.

PROVERBIOS 21:24

Cariyac, jatun tucuc runataca mana cazushpa asic runa nincunami. Yallita cariyashpa mana cazushpami, imatapish ruhuan.

PROVERBIOS 14:17

Utca piñaric runaca yuyai illac shina imatapish ruhuanllami. Mana allita ruhuac runaca tucuipac piñanami canga.

2 REYES 14:9

Shina cachacpimi, Israel llactata jatun mandac Joasca Judá llactata jatun mandac Amasiastaca «Líbano urcupi tiyac uchilla casha yurami, Líbano urcullapitac tiyac cedro yurataca: “Cambac ushita ñuca churihuan cazarachingapac cui” nichun cacharca. Ashtahuanpish Líbano urcumanta sacha animal shamushpami, uchilla casha yurataca sarurca.

GÉNESIS 13:7

Abrampac michiccunaca Lotpac michiccunahuanmi piñanacuc carca. Shinallatac cananeocunapish, ferezeocunapish chaillapitacmi causarca.

GÉNESIS 13:8

Chashna cacpimi, shuc punzha Abramca Lotta cayashpaca: «Ñucanchicca huasi ucupurami canchic. Ñucanchicpura mana piñanacunachu canchic. Shinallatac ñuca michiccunapish cambac michiccunahuan mana piñanacunachu can.

PROVERBIOS 26:17

Shuccunapac piñanacuipi satiricca, ñanta pasacuc allcuta ringripi japiric shinami.