PROVERBIOS 20:22 - Dios Rimashcata Quillcashcami

²² Canca: «Ñucapish llaquichishami» ama ninguichu. Ashtahuanpish Mandac Diosllata shuyangui. Paimi quishpichinga.

PROVERBIOS 20:22 Referans Kwoze

1 TESALONICENSES 5:15

Shuccuna cancunata ima mana allita ruhuacpica, cancunapish ama chashnallatac ruhuaichicchu. Chaipac randica punzhanta cancunapurapipish, tucui gentecunahuanpish allita ruhuaichic.

PROVERBIOS 24:29

Ama: «Pai imata ruhuashca shinallatacmi ruhuasha, pai llaquichishca shinallatacmi llaquichisha» ninguichu.

PROVERBIOS 17:13

Maijan allita ruhuacpi, mana allita ruhuashpa cutichic runapac huasimantaca ima mana allica mana anchuringachu.

1 PEDRO 3:9

Shuccuna mana allita ruhuacpipish, ama cancunapish chai shinallatac ruhuaichicchu. Camishpa rimacpipish, ama cancunapish camishpa rimaichicchu. Chaipac randica Dios allicunata cuchun nishpa munaichic. Diosca allicunata chasquichunmi, cancunataca cayarca.

DEUTERONOMIO 32:35

Ima shina llaquichina cashca shina, llaquichinapish ñucapacmi. Ima punzha pactacpimi, chaqui lluchcaric shina urmanga. Paicuna chingarinaca ñami pactamucun. Paicunaman allichishcapish ñami chayamucun.

1 PEDRO 2:23

Paita camicpipish, paica mana camircachu. Llaquichicpipish, paica mana llaquichircachu. Chaipac randica cashcata ricushpa, taripac Diosllatac llaquichichunmi saquirca.

SAN MATEO 5:39

Ashtahuanpish ñucaca: Piñactaca ama piñanguichu, ashtahuanpish maijan canta alli lado jazhapi huactacpica, lluqui lado jazhapipish huactachun saquingui.

1 PEDRO 4:19

Chashna cashcamanta maijanpish Dios munashca shina llaquita apacca, imatapish pactachic, tucuita ruhuac Diospac maquipi almata mingashpami, allita ruhuashpa catina can.

SALMOS 27:14

Mandac Diosta shuyailla. Sinchiyashpa cambac shungupi cushicui. ¡Ari, Mandac Diosta shuyailla!

2 SAMUEL 16:12

Mandac Diosca ñuca llaquihuan cacta ricushpaca llaquingapishchari. Shina llaquishpa, cunan cai runacuna maldiciashcamantaca, ashtahuanpish ñucamanca allicunatami cunga— nirca.

ISAÍAS 40:31

Ashtahuanpish Mandac Diosta shuyashpa causaccunaca mushuc fuerzatami japinga. Volac animalcuna shinami, mana shaicunga. Yallita purishpapish, yallita callpashpapish mana fuerza illac saquiringachu.

SALMOS 37:34

Mandac Diosta shuyashpa pai mandashcata cazui. Paimi llactata cungapac jatunyachishpa charinga. Juchata ruhuac runacunata tucuchishca quipami chaitaca ricungui.

PROVERBIOS 20:21

Imapish huacta huacta charishcacunaca quipamanca mana cushichinchu.

LEVÍTICO 19:18

Shuccuna llaquichicpica, ama chai shinallatac canpish llaquichinguichu, ama piñashcalla puringuichu. Chaipac randica, can quiquin ima shinami cuyaringui, chashnallatac shuccunatapish cuyangui. Ñucami Mandac Dios cani.

1 SAMUEL 25:13

Chai quipami Davidca paipac runacunataca: —¡Tucui mashna cancunapac espadata japichic!— nirca. Shina nicpimi, paicunaca espadata japishpa chumbillirinapi churarcacuna. Shinallatac Davidpish paipac espadata chumbillirinapi apacpimi, chuscu patsac shina runacuna Davidta catishpa huichai rircacuna. Ishcai patsac runataca ima huacaichishcacunata cuidachunmi saquirca.

SALMOS 37:40

Mandac Diosmi ayudashpa cacharichinga. Paita mana manchaccunapac maquimanta llucchishpami quishpichinga. Chaica, paita shuyacushcamantami chashnaca quishpichinga.

PROVERBIOS 19:11

Alli yuyaiyuc runaca piñarishpapish jarcarinmi. Piñaccuna rimacpipish upalla tucushpa, alli nishca canallatami munan.