PROVERBIOS 19:18 - Dios Rimashcata Quillcashcami

¹⁸ Cambac churi uchilla cacpirac yachachi. Shina cashpapish cambac shungupica ama huañuchina yuyaihuan canguichu.

PROVERBIOS 19:18 Referans Kwoze

PROVERBIOS 13:24

Alli yachacuchun nishpa huahuata mana dalicca paipac quiquin huahuallatatacmi mana ricunayachin. Ashtahuanpish cuyashpaca, uchillamanta pachami dalishpa yachachin.

PROVERBIOS 29:15

Varahuan macashpa yachachicpimi, huahuaca allita yachacunga. Ashtahuanpish imata ruhuachun saquicllapica mamatami pingaichinga.

PROVERBIOS 22:15

Mosocunapac shungupica yuyai illac canaca aichayashca shinami. Ashtahuanpish anguhuan macashpa yachachicpica, paimanta anchuringami.

PROVERBIOS 29:17

Cambac churita alli yachachicpica, cantaca samachingami. Shinallatac cambac causaipipish cushichingami.

PROVERBIOS 19:19

Yallita piñaric runaca llaquimi tucunga. Paita ayudacpica, ashtahuan millaita ruhuashpami catinga.

DEUTERONOMIO 21:18

Shuc runa mana cazuc, sinchi shungu, taita mamatapish mana cazuc, paicuna mashnata macacpipish, mana uyacpica,

PROVERBIOS 25:28

Mana jarcarishpa utca piñaric runaca muyundi pirca urmashca pueblo shinami.