PROVERBIOS 18:15 - Dios Rimashcata Quillcashcami

¹⁵ Alli yuyaita charic runapac shunguca alli yachaitami japin. Yachaisapacunapac ringrica alli yachaitami uyanata munan.

PROVERBIOS 18:15 Referans Kwoze

SANTIAGO 1:5

Cancunapuramanta maijanpish yachaita mana charishpaca, Diosta mañaichic, paica cungallami. Diosca pimanpish mana misarishpami, tucui mañaccunamanca achcata cunga.

PROVERBIOS 15:14

Alli yuyaita charic shunguca alli yachaitami mashcan. Ashtahuanpish mana entendic runaca yanga rimaicunallahuanmi sacsac shina causan.

SAN LUCAS 10:39

Martaca María shuti ñañatami charirca. Mariaca Jesuspac ñaupapimi yachachishcata uyashpa tiyacurca.

PROVERBIOS 23:23

Cashcata nishpa causanatapish, alli yachaitapish, alli yuyaita cushcatapish randic shina chasquishpaca, ama catunguichu.

PROVERBIOS 9:9

Yachaisapa runaman yuyaita cungui. Paica ashtahuan yuyaisapami tucunga. Cashcatatac ruhuac runata yachachi. Paica ashtahuan yachacmi tucunga.

PROVERBIOS 4:7

¡Tucuimanta yallica alli yachac canami ashtahuan alli! ¡Allita yachacuiyari! Tucui charishcacunamanta yallica allita entendinatami munana cangui.

PROVERBIOS 1:5

Yachaisapa runa uyashpaca, ashtahuanmi yachacunga. Alli yuyaiyuc runapish, alli yuyaita cushcataca chasquingami.

1 REYES 3:9

Chaimanta can acllashca gentecunata mandangapac alli yuyaita charic shunguta ñucaman cui. Shinallatac ima alli cacta, mana alli cactapish ricushpa allichingapac yachaita cui. Cai tucui gentecunata mandanataca ¿Pitac pudingayari?— nirca.

PROVERBIOS 10:14

Yuyaisapacunaca alli yachaita shungupimi charincuna. Ashtahuanpish mana entendic runapac shimica llaquitami apamucun.

PROVERBIOS 4:5

¡Alli yachac caiyari! ¡Allita entendiyari! Ñuca rimashpa yachachishcacunataca ama cungaringuichu, ama saquinguichu.

EFESIOS 1:17

Diospac Espíritu yachaita cushpa alli ricuchicpi cancuna Diosta alli ricsichunmi, ñucanchic Apunchic Jesucristopac sumaimana Diosta mañacuni.

PROVERBIOS 15:31

Alli causachun cunashcata chasquicca yachaisapacunahuanmi causanga.

JOB 8:10

Paicunami cantaca yachachishpa sumacta rimanga. Paicunami ima shina causashcata achcata parlanga.