PROVERBIOS 17:27 - Dios Rimashcata Quillcashcami

²⁷ Alli yachac runaca ashallatami riman. Alli yuyaiyuc runaca allita yuyarishpami riman.

PROVERBIOS 17:27 Referans Kwoze

SANTIAGO 3:18

Maijanpish sumac causaita causachun munaccunaca, allita tarpushpa tandac shinami, cashcata ruhuashpa causanata japingacuna.

SANTIAGO 1:19

Ñuca cuyashca criccuna, imapish uyanallataca alli uyaichic. Rimaringapacpish, piñaringapacpish jarcariccuna caichic.

PROVERBIOS 14:29

Alli yuyaita chariccunami mana utca piñarin. Ashtahuanpish shungupi utca piñaric runaca yuyai illac cashcatami ricuchin.

PROVERBIOS 10:19

Yallita rimaric runaca yallitami pandarin. Ashtahuanpish jarcarishpa rimacca alli yuyaiyucmi.

SANTIAGO 3:2

Tucuimi tauca cutin imapipish pandarinchic. Maijan imata rimashpa mana pandaricca, mana juchanchipac alli runami. Chashnaca, paipac cuerpotapish ima mana allimantaca jarcarinmi.

PROVERBIOS 15:28

Cashcata ruhuac runaca imata rimangapacpish, yuyarinracmi. Ashtahuanpish Diosta mana manchaccunaca maipish cachun rimarinllami.

ECLESIASTÉS 9:17

Mana entendic jatun mandac rimashcata uyanapac randica, yachac runa rimashcata upalla yuyanami ashtahuan alli.

PROVERBIOS 16:32

Yallita sinchi runa canapac randica, mana utca piñaric canami ashtahuan alli. Quiquinllatac jarcaric runaca shuc pueblota japic runatapish, ashtahuan yalli allimi.