PROVERBIOS 17:15 - Dios Rimashcata Quillcashcami

¹⁵ Mana allita ruhuac runata cashcata ruhuacmi nictapish, cashcata ruhuac runata llaquichictapish Mandac Diosca millanayachinmi.

PROVERBIOS 17:15 Referans Kwoze

ÉXODO 23:7

Ama llullashpa rimanguichu. Cashcata ruhuac, mana faltayuc runata ama huañuchinguichu. Ñucata mana manchac runataca mana cashcata ruhuacmi nishachu.

ISAÍAS 5:23

Paicunaca cullquita pacalla japishpami, mana allita ruhuaccunataca cashcata ruhuacmi nincuna. Chashna ruhuashpami, cashcata ruhuac runa japinataca quichun.

PROVERBIOS 18:5

Cashcata ruhuac runata llaquichingaraicu Diosta mana machac runaman ama tucuichu.

AMÓS 6:12

¿Caballocunaca rumi quingraita callpanchu? ¿Mama cuchata yuntahuan yapunchu? ¡Cancunaca allita ruhuashpa causanataca venenota shinami ruhuashcanguichic! ¡Cashcata ruhuashpa causanataca jayac ajenjota shinami ruhuashcanguichic!

PROVERBIOS 15:8

Mandac Diosca paita mana manchaccuna animalta cushpa rupachishcataca millanayachinmi. Ashtahuanpish allita ruhuaccuna mañacpica cushicunmi.

SANTIAGO 5:6

Mana cariyacpac gentecunatami, cancunaca juchanchishpa huañuchishcanguichic.

ROMANOS 4:5

Ashtahuanpish Diosca ima allita mana ruhuacpipish, paita cricpica, juchacunata perdonashpa chasquinmi. Chaica, crishcallamantami chasquin.

AMÓS 5:12

Ñucaca cancuna yallita mana cazushcatapish, yalli millaita ruhuashcacunatapish, cashcata ruhuac runata llaquichishcatapish, imata pacalla japishcatapish, juezcunapac ñaupapi huacchacuna japinata quichushcatapish yachanimi.

AMÓS 5:7

¡Cancunaca cashcata ruhuanataca jayac ajenjota shina ruhuashpami, imapacpish mana valichinguichic!

PROVERBIOS 6:16

Mandac Diosca cai sucta juchatami piñan. Canchisniqui juchatacarin yallitami millanayachin:

1 REYES 21:13

Chaipi tiyacucpimi, chai millai ishcai runacuna shamushpa, paipac ñaupapi tiyarircacuna. Chai millai jatun runacunami Nabottaca: «Nabotca Diostapish, jatun mandactapish mana alli nishpami rimarca» nishpa juchanchishpa huillarcacuna. Shina huillacpimi, pueblomanta llucchishpa, rumicunahuan shitashpa huañuchirca.

PROVERBIOS 11:1

Mandac Diosca mana alli pezac balanzataca manatac ricunayachinchu. Ashtahuanpish allita pezac balanzahuanca cushicunmi.

SALMOS 94:21

Paicunaca cashcata ruhuacta huañuchingapac yuyarinacushpami, manapish faltayuc runata huañuchincuna.

PROVERBIOS 17:26

Cashcata ruhuac runata llaquichinaca manatac allichu. Dios munashcata ruhuac, alli nishca runacunata azotinapish mana allichu.

PROVERBIOS 31:5

Pacta chaicunata ubiashpa mandashcacunata cungaringuiman. Pacta llaquilla causaccunaman allita ruhuanata cungaringuiman.

ISAÍAS 5:20

¡Aij, mana allitaca allimi, allitaca mana allichu niccunalla! Paicunaca achictaca amsami, amsataca achicmi nincunami. Cutin jayactaca mishquimi, mishquitaca jayacmi nincunami.

LAMENTACIONES 3:35

paipac ñaupapi runa japinata anchuchichunpish,

DEUTERONOMIO 25:1

Maijan piñanacushpa, juezcunapacman ricpica, paicunaca taripashpami, cashcata ruhuac runataca cacharinga, cutin juchayuc runataca llaquichinga.

EZEQUIEL 13:19

Cancunaca puñado cebadamanta, pedazo tandamantami ñuca acllashcacuna chaupipi manapish huañuna cashcacunata huañuchishpa, huañuna cashcacunataca mana huañuchishpa mapayashcanguichic. Chashnami, ñucataca yangapi churashpa, llullashcata uyac, ñuca acllashcacunataca crichircanguichic” ninmi.