PROVERBIOS 16:29 - Dios Rimashcata Quillcashcami

²⁹ Millai runaca paipac ricsishcata umashpami, mana alli ñanta pushan.

PROVERBIOS 16:29 Referans Kwoze

PROVERBIOS 12:26

Cashcata ruhuac runaca alli ñantami pushan. Ashtahuanpish Diosta mana manchaccunapac ñanca pandachinllami.

PROVERBIOS 3:31

Yallita llaquichic runa ima shina cacta ricushpa, ama canpish chashnallatac casha ninguichu. Pai imata ruhuashpa causacuctapish ama catinguichu.

2 PEDRO 3:17

Chaimanta cuyashca criccuna, puntaman caicunata ña yachashcamantaca, mana allita ruhuaccuna pandata yachachicpi, chaita uyashpa alli caticushcata saquishpa paicunata mana catingapacca, allimi huacaichirina canguichic.

NEHEMÍAS 6:13

Ñucata manchachishpa juchata ruhuachingapacmi pacalla cullquita japishca carca. Ñuca mana allita ruhuacpi, juchanchishpa rimachun, shinallatac mana alli nichunmi chashna ruhuashca carca.

1 SAMUEL 19:17

Chaimantami Saulca Micaltaca: —¿Ima nishpatac ñucata cai shina piñacta richun saquishpa umarcangui?— nirca. Shina nicpimi, Micalca Saultaca: —Mana richun saquicpica, huañuchisha nicpimi richun saquircani— nirca.

1 SAMUEL 19:11

Chai quipami Saulca Davidpac huasipi chapashpa tutamanta Davidta huañuchichun paipac runacunata cacharca. Shina cacpipish paipac huarmi Micalmi Davidmanca: —Cunan tuta mana cuidarishpaca, cayapacca huañushcami cangui— nirca.

PROVERBIOS 11:9

Mishqui shimi jayac shungu runaca pai rimashcahuanmi, shuctac runata llaquichin. Ashtahuanpish cashcata ruhuaccunaca allita yachac cashpami quishpirincuna.

PROVERBIOS 16:28

Millaita ruhuac runaca piñanacuipimi churan. Huashalla parlac runaca paihuan apanacuccunatapish caruyachinmi.

PROVERBIOS 16:30

Maijanpish ñahuita quimllashpaca mana allita ruhuanatami yuyaricun. Maijanpish shimita huichcashpaca mana allitami ruhuashca.