PROVERBIOS 16:21 - Dios Rimashcata Quillcashcami

²¹ Shungupi yuyaisapa runaca entendic runa nishcami canga. Sumacta rimashcaca ashtahuanmi yachachin.

PROVERBIOS 16:21 Referans Kwoze

ISAÍAS 50:4

Mandac Diosmi ñucataca shaicushca causaccunata samachichun yachachirca. Tucui tutamantami pai yachachishcata tucui shunguhuan uyachun ricchachin.

PROVERBIOS 15:7

Yuyaisapa runacunapac rimashcaca alli yachaitami tarpun. Mana entendic runapac shunguca mana chashna ruhuanchu.

PROVERBIOS 27:9

Aceitepish, mishquilla ashnacucpish shungutami cushichin. Shuc ricsishca cunashcaca caishuc runapac shungutami cushichin.

SANTIAGO 3:17

Ashtahuanpish Dios cushca yachaita chariccunaca ima millaita mana ruhuashpami sumacta causanata munancuna. Paicunaca alli shungucuna, mana piñariccuna, llaquiccuna, pimanpish mana tucuccuna, imatapish mana huashalla rimaccuna ashtahuanpish allitac ruhuaccunami can.

SAN JUAN 7:46

Shina nicpimi soldadocunaca: —Chai runa shinaca, jaicapi pi mana rimashcachu— nirca.

SAN LUCAS 4:22

Shina sumacta rimashcamantami, tucui uyaccunaca mancharishpa, Jesusmanta allita rimarcacuna. Chaimantami caishuc chaishuc tapushpaca: —¿Caica manachu Josepac churi?— ninacurca.

ECLESIASTÉS 12:10

Huillac runaca sumac rimaicunata tarishpa, mana llullac rimaicunata allita quillcanatami munarca.

PROVERBIOS 23:15

Ñuca huahualla, cambac shungu yuyaisapa cacpica, ñuca shungupish cushicungami.

PROVERBIOS 10:8

Yuyaisapacunami mandashcacunata shungupi chasquin. Ashtahuanpish millaita rimac shimica chingaringami.

SALMOS 45:2

Tucui caricunamanta yalli sumacmi cangui. Cambac shimimantaca uyanalla shimicunami llucshin. Diosmi huiñaita chashna cachun bendiciarca.

1 REYES 3:12

Riqui, cunanca can mañashca shinallatacmi ruhuasha. Riqui, alli entendic alli yuyaita charic shungutami canman curcani. Chashna alli yuyaita charic runaca cambac ñaupapish, mana tiyarcachu. Cambac quipapish, can shinaca mana tiyangachu.

ROMANOS 16:19

Cancuna Diosta cazuccuna cashcataca tucuimi yachancuna. Chaimantami yallita cushicuni. Allita ruhuangapacca, alli yachaccuna, millaita ruhuangapacca mana yachaccuna cachunmi munani.

SAN MATEO 11:25

Chai quipami Jesusca: «Jahua pachata, cai pachata Mandac ñuca Taitalla, cantaca “allimari cangui” ninimi. Canca, cai yachanacunataca alli yuyaiyuc, alli yachaccunamanta pacashpami, huahuacuna shinamanmi, yachana yuyaita cushpa yachachishcangui.

PROVERBIOS 16:22

Alli yuyaiyuc runapi tiyashca alli yuyaica causaita cuc yacu shinami. Ashtahuanpish yuyai illac runapi tiyashca yuyaica llaquichinmi.

OSEAS 14:9

Cai huillashcacunata alli yachangapacca, ¿pitac alli yachac canguichicyari? Caicunata entendingapacca, ¿pitac alli yuyaita charinguichicyari? Mandac Diospac ñancunaca alli ñancunami. Chai ñancunataca cashcata ruhuaccunallami puringa. Ashtahuanpish mana cazuccunaca chaillapitacmi mitcaringa.

PROVERBIOS 10:13

Alli yuyaita charicpac shimimantaca alli yachaimi llucshin. Ashtahuanpish varaca mana entendiccunata macangapacmi.

PROVERBIOS 10:23

Yuyai illac runaca millaita ruhuashpami cushicun. Ashtahuanpish alli yuyaiyuc runaca alli yachacushpami cushicun.