PROVERBIOS 16:12 - Dios Rimashcata Quillcashcami

¹² Jatun mandaccuna yalli mana allita ruhuanataca millanayachinmi. Ashtahuanpish cashcata ruhuashpami pai mandanataca allita sinchiyachinga.

PROVERBIOS 16:12 Referans Kwoze

PROVERBIOS 25:5

Diosta mana manchac runata jatun mandacpac ñaupamanta anchuchingui. Shina anchuchicpimi, jatun mandacca cashcata ruhuashpa sinchiyanga.

SAN LUCAS 12:48

Ashtahuanpish maijan servic amo mandashcata mana yachashpa, mana allita ruhuashcamantaca, macashpa llaquichina cacpipish, ashallatami macachishca canga. Maijanman Dios achcata cushpaca, achcallatatacmi mañanga. Maijanman achcata ruhuachun cushpapish achcallatatacmi ruhuachun ninga.

PROVERBIOS 29:14

Jatun mandac huaccha runata cashcata ruhuashpa mandashpaca paipac mandanataca huiñaitami sinchiyachin.

PROVERBIOS 28:9

Maijanpish mandashcata mana uyasha nishpa caruyactaca pai mañashcatapish Mandac Diosca mana uyanayachinchu.

APOCALIPSIS 19:11

Chai quipaca jahua pacha pascaricpi, shuc yurac caballopi montashpa tiyacuctami ricurcani. Chai tiyacucpac shutica Mana Llullac, shinallatac Imatapish Pactachicmi carca. Paica cashcata ruhuashpa, taripac shinallatac macanacucmi carca.

PROVERBIOS 20:18

Ima ruhuanata yuyarishcaca cunashcahuanmi alli llucshin. Jatun macanacuitaca allita yuyarishpami ruhuana can.

SALMOS 99:4

Tucuita ruhuac Jatun Mandaclla, canca cashcata ricushpami mandangui. Cashcata ruhuanataca canmi callarichircangui. Canmi Jacobopac huahua huahuapurapica allita ricushpa mandashpa, imatapish cashcata ruhuacungui.

DEUTERONOMIO 25:16

Mandac Diosca tucui chashna ruhuaccunatapish, cashcata mana ruhuaccunatapish millanayachinmi.

PROVERBIOS 16:13

Jatun mandaccunataca maijanpish allita sumacta rimashpami cushichin. Paicunaca cashcata rimaccunatami cuyancuna.

2 CRÓNICAS 17:5

Chaimantami Mandac Diosca Josafat mandanataca pi mana cuyuchipacta ruhuashpa, paipac maquipi churarca. Tucui Judá llactapi causaccunami Josafatman imallatapish carangapac apamurca. Chaimantami achca charicpish, alli nishcapish carca.

PROVERBIOS 29:4

Jatun mandacca cashcata ruhuashpa mandashpami, llactata sinchiyachin. Ashtahuanpish yallita impuestohuan gentecunata llaquichic mandacca llactatami tucuchin.