PROVERBIOS 15:9 - Dios Rimashcata Quillcashcami

⁹ Mana manchac runapac causaica Mandac Diosmanca millanayaimi Ashtahuanpish cashcata ruhuashpa causactaca cuyanmi.

PROVERBIOS 15:9 Referans Kwoze

1 TIMOTEO 6:11

Ashtahuanpish canca Diospacta ruhuac cashcamantaca, tucui chai mana allicunamanta anchurishpa, cashcata ruhuashpa, Diosllata yuyarishpa, crishca yuyailla cuyaihuan mana piñariclla, shinallatac cuyac shunguhuan causanata munachunmi nini.

PROVERBIOS 21:21

Cashcata ruhuashpa, llaquishpa causacca alli nishcapish, cashcata ruhuac nishcapish cangami. Shinallatac causaitapish charingami.

SAN MATEO 7:13

Quichqui punguta yaicuichic. Chaica chingarinaman apac ñanpish, pungupish purinalla anchomi. Taucacunami chaitaca yaicun.

HABACUC 1:13

Canca jucha illac cashpami, millaitaca mana ricusha ningui. Ima mana allitapish mana ricusha ninguichu. ¿Ima nishpatac mana cazuccunataca ricucunguilla? ¿Ima nishpatac canta mana manchac runa cashcata ruhuac runata llaquichicucta ricucunguilla?

OSEAS 6:3

Mandac Diosta mashcashpa, paimanta yachacushunchic. Paica tutamanta inti llucshishpa achicyachic shinami ñucanchicpacman shamunga. Punta tamya, quipa tamya allpapi urmac shinami ñucanchicpacman shamunga» nincuna.

JEREMÍAS 44:4

Ñuca, ñuca ima nishcata huillac serviccunata cutin cutin huillachun cachashpaca: “¡Cai millana juchacunataca ama ruhuaichicchu, chaitaca mana ricunayanchu!” nishpami huillachircani.

2 TIMOTEO 2:22

Huambracunapac yuyaita saquishpa, imapish cashcallata ruhuashpa, alli crishpa, tucui shungumanta Diosta mañaccunahuan tandarishpa, cuyaihuan apanacushpa sumacllata causangui.

ISAÍAS 51:7

Cashcata ruhuanata yachaccunapish, ñuca mandashcata shungupi chariccunapish uyaichicyari. Shuccuna pingaichinata ama manchaichicchu. Paicuna mana alli nishpa rimacpipish, ama irquiyaichicchu.

ISAÍAS 51:1

Mandac Diosca: «Cashcata ruhuanata munaccunapish, ñucata mashcaccunapish uyaichicyari. Jatun rumimanta anchurishcacuna chai jatun rumita ricuichicyari. Cancuna llucchishca jatun rumita ricuichicyari.

ISAÍAS 26:7

Cashcata ruhuacpac causaica jucha illacmi. Canca cashcata ruhuac Dios cashpami, cashcata ruhuaccunapac causaita ricucungui.

PROVERBIOS 21:8

Jatun mana allita ruhuac runapac causaica pandaripac, mana ricsishca ñan shinami. Ashtahuanpish allicunallata ruhuacpacca imata ruhuashcapish allimi.

PROVERBIOS 21:4

Jatun tucushpa ricunapish, shungupi jatun tucunapish Diosta mana manchana yuyaipish juchami.

PROVERBIOS 4:19

Diosta mana manchaccunapac ñanca pura tuta shina, imapi mitcaricushcatapish mana yachancunachu.

SALMOS 1:6

Cashcata ruhuaccunapac causaitaca Mandac Diosmi ricucun. Ashtahuanpish millaita ruhuaccunapac causaica chingarinallami.

DEUTERONOMIO 7:13

Paica cuyangami, bendiciangami, achcata mirachingami. Cancunapac taitacunaman cushami nishca llactapica huahuacunatapish, allpapi pucushcatapish, granotapish, punta vinotapish, aceitetapish, vacacuna mirashcatapish, ovejacunatapish bendiciangami.

SALMOS 139:24

Ñucaca millaita ruhuarcanichari, chaitaca ricuiyari. Chaicunata ricushpa huiñaita causangapac rina ñanta pushaiyari.

PROVERBIOS 8:13

Mandac Diosta manchaccunaca mana allita ruhuaccunata piñanmi. Jatun tucunatapish, yallita jatun tucunatapish mana alliman apac ñantapish mana munanichu.

PROVERBIOS 15:10

Alli ñanta saquic runataca sinchitami rimana Alli tucuchun rimashcata mana uyacca huañungami.

SALMOS 5:5

Jatun tucushcacunaca cambac ñaupapica mana ricuri pudingachu. Canca millaita ruhuaccunata piñacmi cangui.

SALMOS 11:7

Mandac Diosca cashcata ruhuac cashcamantami imatapish cashcallata ruhuachun munan. Paipac ñahuitaca cashcata ruhuaccunallami ricunga.