PROVERBIOS 15:24 - Dios Rimashcata Quillcashcami

²⁴ Alli yuyaita charicmanca causaiman apac ñanca jahuamanmi. Seolman apac ñanmantaca chashnami anchuringa.

PROVERBIOS 15:24 Referans Kwoze

SALMOS 16:11

Ñucamanca causaiman apac ñantami ricuchingui. Cambac ñaupapica yallita cushicuimi tiyan. Cambac alli ladopica huiñaitami cushicui tiyan.

FILIPENSES 3:20

Ashtahuanpish ñucanchic causana llactaca jahua pachami. Chai jahua pachamanta Quishpichic Apunchic Jesucristo cutimunallatacmi shuyacunchic.

SAN JUAN 14:6

Shina nicpimi Jesusca: —Ñucami cashcata nicpish, ñanpish, causaita cucpish cani. Maijanpish ñucallamantami Diospacman chayanga.

SAN MATEO 7:14

Ashtahuanpish huiñai causaiman apac ñanpish, pungupish quichquimi, mana yaicuipacllachu. Ashallami chaitaca yaicun.

JEREMÍAS 21:8

Mandac Diosca chai gentecunataca: “Cancunapac ñaupapica causana ñanta, shinallatac huañuna ñantami churani.

PROVERBIOS 23:14

Anguhuan yachachishpa dalishpaca, paipac alma Seolman rinamantami quishpichingui.

PROVERBIOS 7:27

Chai huarmipac huasica Seolman apac ñanmi. Chai ñanca huañushcacunapacman chayachicmi.

PROVERBIOS 6:23

Chai mandashcaca lámpara shinami. Yachachishcaca luz shinami, cunashpa rimashcacunaca causaiman apac ñan shinami.

PROVERBIOS 5:5

Paipac chaquicunaca huañuiman, paipac purishcaca Seolmanmi pushacun.

PROVERBIOS 2:18

Chai huarmipac huasica ucuyachic shinami huañuiman apacun. Pai purina ñancunapish huañushcacunapacmanmi apacun.

PROVERBIOS 9:8

Burlashpa rimaric runataca ama jarcashpa rimaichu. Paica piñaringami. Chaipac randica yuyaisapa runata alli tucuchun rimai. Paica canta cuyangami.

SALMOS 139:24

Ñucaca millaita ruhuarcanichari, chaitaca ricuiyari. Chaicunata ricushpa huiñaita causangapac rina ñanta pushaiyari.

DEUTERONOMIO 32:22

Nina japiric shinami, yallita piñarishca cani. Chashna piñarishpami ucu pacha seolcaman rupachinga. Cai allpataca chaipi pucushcandimi rupachinga. Urcucunatapish sapicamanmi rupachinga.

PROVERBIOS 4:18

Ashtahuanpish cashcata ruhuaccunapac ñanca achicyamucucmanta chaupi punzhacaman achicyacuc luz shinami.