PROVERBIOS 14:35 - Dios Rimashcata Quillcashcami

³⁵ Jatun mandacca paita servic alli yuyaita charicpimi cuyan. Ashtahuanpish paita pingaichic runataca piñashpami llaquichin.

PROVERBIOS 14:35 Referans Kwoze

SAN MATEO 25:23

Chashna nicpimi amoca: “Allimi, canca allita ruhuac, cazuc servicmi cangui. Ashallapipish allita ruhuashcamantaca, achcatami canmanca cusha. Cunanca ñucahuan cushicungapac ucuman yaicui” nirca.

SAN MATEO 25:21

Chashna nicpimi amoca: “Allitami ruhuashcangui. Ashallapipish allita ruhuashcamantaca, achcatami canmanca mingasha. Cunanca ñucahuan cushicungapac ucuman yaicui” nirca.

PROVERBIOS 22:11

Jatun mandacca chuya shungu runatami cuyan. Sumacta rimac runami paihuanca apanacunga.

PROVERBIOS 29:12

Shuc mandac llullashcata crishpa chasquicpica, tucui paita serviccunami Diosta mana manchaccuna tucunga.

PROVERBIOS 25:5

Diosta mana manchac runata jatun mandacpac ñaupamanta anchuchingui. Shina anchuchicpimi, jatun mandacca cashcata ruhuashpa sinchiyanga.

PROVERBIOS 20:26

Yuyaisapa jatun mandacca Diosta mana manchaccunataca huairachic shinami shic-huan. Paicunataca ruedacunahuanmi sarun.

PROVERBIOS 20:8

Jatun mandac taripangapac tiyarishpaca, millaita ruhuashcataca paipac ñahuihuan ricushpallami llucchishpa cachan.

PROVERBIOS 19:26

Taitapacta imata shuhuac, mamata huasimanta llucchishpa cachacca mana llaquic pingaita mana charic churimi can.

PROVERBIOS 17:2

Alli yuyaiyuc servicca mana cazuc churitapish mandangami. Imalla tiyashcataca paipac huauquicunahuanmi chaupinacunga.

PROVERBIOS 10:5

Usyai punzhacunapi cosechacca yuyaisapa churimi. Ashtahuanpish cosechana punzhacunapi sueñuc churica pingaichinmi.

PROVERBIOS 14:34

Cashcata ruhuac runacunaca llactatapish jatunyachinmi. Ashtahuanpish juchata ruhuaccunaca llactatapish pingaichinmi.

GÉNESIS 41:38

Chaimantami Faraonca paita serviccunataca: —¿Diospac Espirituhuan cac cai shina runataca maipi tarishunchu?— nirca.

ESTER 7:7

Jatun mandacca nina japiric shina piñarishpami vinota ubianata saquishpa mandashpa tiyana huasi lado huertaman rirca. Jatun mandacca Amanta huañuchinalaya tucucpimi, Amanca paita ama huañuchichun jatun mandac Esterman mañangapac saquirirca.

PROVERBIOS 16:13

Jatun mandaccunataca maijanpish allita sumacta rimashpami cushichin. Paicunaca cashcata rimaccunatami cuyancuna.