PROVERBIOS 14:34 - Dios Rimashcata Quillcashcami

³⁴ Cashcata ruhuac runacunaca llactatapish jatunyachinmi. Ashtahuanpish juchata ruhuaccunaca llactatapish pingaichinmi.

PROVERBIOS 14:34 Referans Kwoze

SALMOS 107:34

Alli grano pucuc allpacunatapish, mana pucuc cachi allpatami ruhuan. Chaipi causaccuna millaita ruhuashcamantami chashnaca ruhuan.

OSEAS 13:1

Efraín aillu rimaricpica, yallitami mancharic carca. Israel llactapica, alli nishcami carca. Ashtahuanpish Baal diosta mañashpa, juchallishcamantami huañurca.

PROVERBIOS 14:33

Allita entendic runapac shungupimi alli yachaica tiyan. Ashtahuanpish mana entendiccunapac chaupipica mana ricsishcachu can.

PROVERBIOS 14:35

Jatun mandacca paita servic alli yuyaita charicpimi cuyan. Ashtahuanpish paita pingaichic runataca piñashpami llaquichin.

2 CRÓNICAS 28:19

Israel llactata jatun mandac Acaz mana allita ruhuashcamantami Mandac Diosca Judá llactapi causaccunataca pingaichishpa cumurichirca. Acazca Judá llactapica imatapish mana jarcarishpami, mana allita ruhuashpa, mana cazushpa, Mandac Diosta piñachirca.

PROVERBIOS 29:4

Jatun mandacca cashcata ruhuashpa mandashpami, llactata sinchiyachin. Ashtahuanpish yallita impuestohuan gentecunata llaquichic mandacca llactatami tucuchin.