PROVERBIOS 14:3 - Dios Rimashcata Quillcashcami

³ Yuyai illac runapac shimimantaca jatun tucuna yuyaimi varahuan lomopi llaquichic shina llucshin. Ashtahuanpish yachaisapa runataca paipac rimashcami cuidan.

PROVERBIOS 14:3 Referans Kwoze

PROVERBIOS 12:6

Diosta mana manchaccunaca pacalla huañuchinallatacmi parlanacuncuna. Ashtahuanpish allita ruhuaccunapac rimaica huañuimantami quishpichin.

APOCALIPSIS 12:11

Paicunaca Pactalla Oveja huañushpa yahuarta jichashcamanta, alli huillaita huillashcamantami chai llaquichictaca mishashca. Huañuna cacpipish, mana mancharcacunachu.

APOCALIPSIS 3:10

Mana piñaric alli shungu cai nishpa ñuca mandashcata pactachinata mana saquishcamantami shamuc punzhapi cai pachapi causaccunata ima shina cashcata ricungapac llaquicuna shamucpica, cantapish huacaichisha.

2 PEDRO 2:18

Paicunaca yanga mapa rimaicunallatac caparishpa rimashpami, quiquin munashca mapacunata ruhuashpa, mana alli causaccunapuramanta cunanlla anchurishcacunataca cutin pandachincuna.

DANIEL 7:20

Shinallatac umapi tiyac chunga gachucuna, shinallatac chai quimsa urmashca gachucunapac ladopi huiñashca gachu imata nisha nicushcatapish yachasha nircanimi. Chai gachuca ñahuicunayuc, millai rimaicunata rimac shimiyucmi carca. Chai gachuca caishuc gachucunata yallimi carca.

PROVERBIOS 28:25

Chayucyanallata munac runaca piñanacuillapimi churan. Ashtahuanpish Mandac Diosta yuyarishpa causac runaca imapipish allimi causanga.

PROVERBIOS 22:8

Tarpuc shina mana allita ruhuacca mana allitatacmi tandanga. Paitaca varahuanmi tucuchinga.

PROVERBIOS 21:24

Cariyac, jatun tucuc runataca mana cazushpa asic runa nincunami. Yallita cariyashpa mana cazushpami, imatapish ruhuan.

PROVERBIOS 18:6

Yuyai illac runa rimashpaca piñanacuillapimi churan. Paipac rimashcaca llaquichichunmi caparicun.

SALMOS 57:4

Ñucaca leoncunapac chaupipi shina, ninata shimiman shitac shina gentecunapac chaupipimi cani. Paicunapac quirucunaca lanzacuna shina, flechacuna shinami. Paicunapac calluca filosapa espada shinami.

SALMOS 12:3

Mandac Diosca chai llullac mishqui shimicunata, jatun tucushpa rimaccunataca tucuitami tucuchinga.

JOB 5:21

Millaita rimac callumantapish miticunguimi. Chingachic llaquicuna shamucpipish, mana manchanguichu.

1 SAMUEL 2:3

Ama sinchi rimaicunata rimaichicchu. Mandac Diosca tucuita yachac Diosmi. Ama cancunallatac alli cashcataca yuyaichicchu. Paimi ima ruhuashcatapish, pezac shina ricucun.

SALMOS 31:18

Cashcata ruhuac runataca jatun tucushpami, piñashpa maipish cachun camincuna. Chai llullaccunaca upayashca saquirichun.

PROVERBIOS 14:4

Yunta huagracuna mana tiyacpica, granota huacaichinacunaca chushacllami. Ashtahuanpish yunta huagracunapac fuerzamantaca granocunaca tiyanmi.

PROVERBIOS 13:3

Maipish cachun mana rimaric runaca quiquin causaitami cuidan. Ashtahuanpish maipish cachun rimaric runataca jatun llaquimi japin.

PROVERBIOS 18:7

Yuyai illac runaca paipac rimashcallahuantacmi llaqui tucun. Paipac shimillahuantacmi huascata cungapi churaric shina tucun.