PROVERBIOS 14:16 - Dios Rimashcata Quillcashcami

¹⁶ Yachaisapa runaca mana allita ruhuanata manchashpami chaimanta caruyan. Ashtahuanpish yuyai illac runaca mana manchashpami jatun tucushpa purin.

PROVERBIOS 14:16 Referans Kwoze

PROVERBIOS 22:3

Yuyaisapa runaca maita ricushpa ima llaqui japigricucpica anchurinmi. Ashtahuanpish yuyai illac runaca rishpa llaquipi urmanllami.

PROVERBIOS 3:7

Ama canllatac yachaisapa cashcata yuyanguichu. Ashtahuanpish Mandac Diosta manchashpa, mana allimanta anchuringui.

1 TESALONICENSES 5:22

Tucui mana allimanta huacaichirichic.

PROVERBIOS 29:9

Yachaisapa runa yuyai illac runahuan piñanacushpaca, burlashpa asishca, piñashcallami canga. Imapish mana allichiringachu.

PROVERBIOS 28:14

Tucui causaipi Diosta manchacca yallitami cushicun. Ashtahuanpish paipac shunguta sinchiyachicca llaquipimi urmanga.

PROVERBIOS 16:17

Allita ruhuashpa causaccunaca mana allimanta anchurinmi. Mana allita ruhuanamanta cuidariccunaca causaitami cuidancuna.

PROVERBIOS 16:6

Juchayuctaca llaquishpa, mana llullashpami perdonanga. Runaca Mandac Diosta manchashpami, mana allimantaca anchurin.

GÉNESIS 42:18

Quimsa punzhapica Joseca: —Ñucaca Diosta manchanimi, cancuna mana huañungapacca caita ruhuaichic:

GÉNESIS 33:9

Shina nicpimi Esauca: —Ñuca huauquilla, ñucaca yalli yallitami charini, cambac charishcacunaca cambacllatac saquirichun— nirca.

PROVERBIOS 7:22

Paica ari nishcahuanmi catishpa rirca. Huagra huañungapac ric shina, yuyai illac runa prezu japi tucushpa, llaqui tucungapac ric shinami rircalla.

SALMOS 119:120

Cambac ñaupapica ñuca cuerpoca chucchucunmi. Can llaquichinataca manchacunimi.

1 REYES 20:18

Chaita huillacpimi Ben-adadca: «Alli tucunata mashcashpa shamushca cacpipish, macanacungapac shamushca cacpipish, imata mana ruhuashpalla prezunguichic» nishpa cacharca.

1 REYES 19:2

Shina huillacpimi, Jezabel Eliasman huillachun shuc huillacta cachashpaca: «Chai huillaccunata huañuchishca shinallatac cantapish caya cashna horasllatatac mana huañuchicpica, ñucatapish dioscunaca yallita llaquichichun» nishpami huillachun cacharca.

SAN JUAN 9:40

Maijan fariseocuna chaita uyashpaca: —¿Shinashpaca ñucanchicpish ñahui mana ricuccunachu canchic?— nircacuna.

ECLESIASTÉS 10:13

Pai rimari callarishpaca mana entendipactami rimarin. Tucuchinamanca yalli mana allicunata rimashpami tucuchin.

JOB 28:28

Chaimantami runataca: “Alli yachaica Mandac Diosta manchanami. Alli yuyaica millaimanta anchurinami” ninmi» nirca.

SALMOS 34:14

Millaimanta anchurishpa allita ruhuangui. Pihuanpish sumacta causana yuyailla cangui.

NEHEMÍAS 5:15

Ashtahuanpish ñucapac punta mandaccunaca micungapacpish, vinopacpish, chuscu chunga siclos cullquita mañashpami llaquichishpa causarca. Shinallatac paicunata serviccunapish chashnallatacmi ruhuarca. Ashtahuanpish ñucaca Diosta manchac cashpami, mana chashna ruhuarcani.

PROVERBIOS 14:15

Ashalla yuyaita charic runaca imatapish crinllami. Ashtahuanpish alli yuyaiyuc runaca imata ruhuangapacpish allita yuyarinracmi.

PROVERBIOS 14:17

Utca piñaric runaca yuyai illac shina imatapish ruhuanllami. Mana allita ruhuac runaca tucuipac piñanami canga.

NÚMEROS 22:27

Chaita ricushpami burroca Balaam montashca cacllapitac siririrca. Shina siriricpimi, Balaamca munai piñarishpa, burrota caspihuan macai callarirca.

JOB 1:1

Uz llactapimi Job shuti shuc runa causarca. Paica cashcata ruhuac, pi mana juchanchipac, Diostapish manchac, millaita ruhuanamanta anchurishcami carca.

PROVERBIOS 1:32

Imata mana yachaccunataca chai mana yachashcallatacmi huañuchinga. Mana alli yuyaiyuc gentecunataca chai mana alli yuyaillatacmi tucuchinga.