PROVERBIOS 13:6 - Dios Rimashcata Quillcashcami

⁶ Cashcata ruhuac runataca chai cashcata ruhuashcallatacmi cuidan. Ashtahuanpish juchayuc runataca chai juchallatacmi urmachin.

PROVERBIOS 13:6 Referans Kwoze

PROVERBIOS 11:3

Cashcata ruhuac runacunataca chai ruhuashcacunallatacmi alli ñanta pushanga. Ashtahuanpish juchata ruhuaccunataca chai juchallatacmi tucuchinga.

PROVERBIOS 21:12

Diosca paita mana manchac runapac huasi ucupurataca ricucunmi. Diosta mana manchaccuna paicuna mana allita ruhuashcamanta chingaricuctapish ricucunmi.

SALMOS 140:11

Imatapish rimaric runaca cai pachapica mana unaita causangachu. Llaquichic runataca millaillatacmi tangac shina apashpa tucuchinga.

SALMOS 26:1

Mandac Dioslla, ñucata cashcata ruhuailla. Ñucaca ima pandata mana ruhuashpa causashcanichu. Chashnallatac can Mandac Diospimi shunguta churarcani. Canmantaca mana anchurishachu.

SALMOS 25:21

Canllatami shuyacuni. Chaimantami ima pandata mana ruhuani. Allita ruhuana yuyai ñucata huacaichichun.

SALMOS 15:2

Ima pandata mana ruhuac, imatapish cashcata ruhuac, paipac shungupi mana llullac,

PROVERBIOS 5:22

Diosta mana manchactaca pai mana allita ruhuashcacunallatacmi llaquichinga. Pai ruhuashca juchallatacmi tuclla shina japishpa urmachinga.

2 CRÓNICAS 28:23

Paica, paita llaquipi churashca Damasco pueblopi tiyac dioscunallamanmi animalcunata cushpa huañuchirca. Paica: «Siria llactata jatun mandaccunapac dioscunaca paicunataca ayudarcami. Ñucatapish ayudachun animalcunata paicunaman cushpa huañuchisha» nishpami shina ruhuarca. Ashtahuanpish chai dioscunallatacmi paitapish, tucui israelcunatapish yalli llaquipi churarca.

SALMOS 119:1

Mandac Dios mandashcacunata cazushpa, ima millaitapish mana ruhuashpa causaccunaca maimi cushicun.

PROVERBIOS 10:29

Allita ruhuashpa causaccunapacca Mandac Diosca jarcarina torre shinami. Ashtahuanpish millaita ruhuaccunapacca chingarinaman apana ñan shinami.

PROVERBIOS 11:20

Mandac Diosca mana alli shungu runataca millanayachinmi. Ashtahuanpish allita ruhuashpa causac runahuanca cushicunmi.

1 REYES 1:52

Shina huillacpimi Salomonca: —Pai allita ruhuac runa cacpica, paipac umamantaca shuc acchallapish mana urmangachu. Ashtahuanpish, pai ima mana allita ruhuashca ricuricpica, huañuchishcami canga— nirca.

1 REYES 13:34

Jeroboam chashna millaita ruhuashcamantami paipac huasi ucupuracunapish millaita ruhuarcacuna. Chashna cashcamantami paipac huasi ucupuraca tucui tucurishpa, cai pachamanta chingarircacuna.