PROVERBIOS 13:3 - Dios Rimashcata Quillcashcami

³ Maipish cachun mana rimaric runaca quiquin causaitami cuidan. Ashtahuanpish maipish cachun rimaric runataca jatun llaquimi japin.

PROVERBIOS 13:3 Referans Kwoze

PROVERBIOS 21:23

Imatapish rimarinamanta calluta jarcaric runaca paipac causai ama llaquita apachunmi cuidan.

PROVERBIOS 18:21

Causanapish, huañunapish callupimi tiyan. Imatapish rimanata munac runaca chaillatatacmi japinga.

PROVERBIOS 18:7

Yuyai illac runaca paipac rimashcallahuantacmi llaqui tucun. Paipac shimillahuantacmi huascata cungapi churaric shina tucun.

SALMOS 39:1

Ñucaca: «Ñuca calluhuan mana juchallingapacmi alli yuyaihuan causasha. Diosta mana cazuccunapac ñaupapica shimipi frenota churac shinami millaita rimanamanta jarcarisha» nircani.

PROVERBIOS 10:19

Yallita rimaric runaca yallitami pandarin. Ashtahuanpish jarcarishpa rimacca alli yuyaiyucmi.

PROVERBIOS 20:19

Huashalla parlac runaca shungupi tiyacushcatami llucchichin. Imatapish rimac runahuanca pacta tandaringuiman.

SANTIAGO 1:26

Maijanpish “ñucaca Diosta alli cricmi cani” nishpapish, paipac calluta mana jarcaricca paillatacmi pandaricun. Pai “alli cricmi cani” nishcaca, yangallami can.

PROVERBIOS 12:13

Millai runaca, paipac shimi rimashcallahuantacmi huataric shina saquirin. Ashtahuanpish cashcata ruhuacca llaquipi cashpapish llucshinmi.

SALMOS 34:13

Chaita munashpaca cambac calluhuan mana allita rimanamanta cuidaringui. Cambac shimihuan llullanata jarcaringui.

SALMOS 141:3

Mandac Dioslla, ñuca shimi ama imatapish rimarichunca cuidacta churaiyari. Ñuca shimi punguta cuidaiyari.

PROVERBIOS 10:14

Yuyaisapacunaca alli yachaita shungupimi charincuna. Ashtahuanpish mana entendic runapac shimica llaquitami apamucun.

PROVERBIOS 13:4

Quilla runaca imata munacushpapish mana japingachu. Ashtahuanpish cusi runaca paipac munashcatami japinga.

JUECES 16:11

Shina nicpimi Sansonca: —Manapish ucupashca mushuc huascahuan sinchita huatacpica, irquiyashpa shuctac runacuna shinami casha— nirca.

JUECES 16:17

Chaimantami Sansonca ima shina yalli fuerzata charishcata huillashpaca: —Ñucaca, mamapac huicsamanta pachami Diospaclla chicanyachishca nazareo cani. Chaimanta ñuca acchataca jaicapi navajahuan mana pitircanichu. Ñuca uma acchata pitichishpaca irquiyashpa fuerzata chingachishpami shuctac runacuna shina casha— nirca.

PROVERBIOS 10:8

Yuyaisapacunami mandashcacunata shungupi chasquin. Ashtahuanpish millaita rimac shimica chingaringami.

PROVERBIOS 14:3

Yuyai illac runapac shimimantaca jatun tucuna yuyaimi varahuan lomopi llaquichic shina llucshin. Ashtahuanpish yachaisapa runataca paipac rimashcami cuidan.